Around GMA

Massive fire kills 6 in Pakistan’s Karachi, destroys shopping center
No classes in Cebu City, province after Sinulog festivity
Farm to Table: (January 18, 2026) LIVE

Article Inside Page

Showbiz News

Hirit ni Christian Vasquez, na gumaganap na Zambojil sa 'Voltes V: Legacy,' sa kissing scene nina Martin Del Rosario at Liezel Lopez: 'KAYA KAYO NATATALO!!!'

Villains man, kinikilingan din ang tambalang Zardoz at Zandra sa Voltes V: Legacy.

Sa episode ng GMA Telebabad series kagabi, May 24, nagpahayag ng paghanga si Zandra sa talino at kakayahan ni Prinsipe Zardoz.

Nanumpa rin ng katapatan ang siyentista sa prinsipe ng Boazan Najmi Imperium.

Hinawakan ni Zardoz ang kamay ng kaniyang "najmi" o bituin bago naglapit ang kanilang mga katawan at hinalikan ito.

Kinakiligan naman ang love story aspect na ito sa Voltes V: Legacy na kinatatampukan ng Sparkle stars na sina Martin Del Rosario at Liezel Lopez na binansagang "Team ZarZa" ng ilang netizens dahil sa kanilang chemistry on-screen.

NANGGUGULAT NAMAN KAYO HOYYY
'Di kami prepared, pero grabe thank you so much for this 😭😭😭 #Najmi ship is sailing ~ #VoltesVLegacy#V5LegacyDestroyVoltesV https://t.co/Bl3AdzT6s6

-- Achelois (@nekopaaaat) May 24, 2023

lakas ng chemistry nitong dalawa! #V5LegacyDestroyVoltesV https://t.co/0nGsDvhdFJ

-- spazzerizdt (@spazzermate02) May 24, 2023

Marami rin ang natuwa na binigyan ng lalim ang kuwento nina Zardoz at Zandra, na nakilala bilang Prince Heinel at Ri Katherine sa English-dubbed version ng Voltes V.

I think if there's something they're trying to establish here is the deepening and strengthening of bonds between characters, even if they're invaders trying to #V5LegacyDestroyVoltesV @martdelrosario @LiezelLopez_ https://t.co/lpjOjO95O6

-- Joe💙🔥Sarte 👑〽️ Loyal NekoGuard for life 😺 (@joesarte823) May 24, 2023

THE KISS

Man, love how the show expand on Heinel and Katherine's romance https://t.co/m4fWmPZ8q8

-- Volte-san Legacy (@RaihanH98) May 24, 2023

Nagdulot din ang kissing scene nina Martin at Liezel sa serye ng mga nakakatawang reaksyon.

"Pananakop muna bago harot oyyy," sabi sa post ni Daren Carl Abaya Vengua.

Pagkatapos matalo, may consolation daw si Zandra na na-"najmi-zoned."

"Sana every pagkatalo, may ganito. #Najmizoned," sulat naman ni Red Macadaeg.

Hindi naman nagpahuli ang mismong emperador ng Boazania na si Zambojil, na ginagampanan ni Christian Vasquez.

Sa Twitter, nagkaroon ng nakakaaliw na palitan ng tweet sina Martin, Liezel, at Christian na ginamit ang kaniyang Voltes V: Legacy character bilang pangalan niya sa Twitter.

"KAYA KAYO NATATALO!!! MGA WALANG KWENTA," tweet ni 'Zambojil.'

Tugon ni Liezel, "Mahal na Emperati, talo man kami sa'ming huling laban .. panalo naman ako sa puso ni Jomfre @mart_drosario."

Humirit pa si Zambojil at sinabing "HINDI NAMAN KAYO MGA MANOK PERO TUKAAN KAYO NG TUKAAN. MAGTRABAHO KAYO!!!"

Sumagot naman si Martin, "Patawad Jomfre ngunit hindi makapagpigil."

KAYA KAYO NATATALO!!!
MGA WALANG KWENTA #VoltesVLegacy pic.twitter.com/fWjN7mUePw

-- ZAMBOJIL (@thextianvazquez) May 24, 2023

Subaybayan ang Voltes V: Legacy Lunes hanggang Biyernes, alas otso ng gabi sa GMA Telebabad, GTV, I Heart Movies, at Pinoy Hits.

Maaari rin itong mapanood online kasabay ng pag-ere sa TV via Kapuso Stream.

Magiging available naman ang full episodes at episodic highlights ng Voltes V: Legacy sa GMANetwork.com at sa iba pang GMA owned and operated online platforms.

BALIKAN ANG LABAN NINA VOLTES V AT DOKUGAGA SA GALLERY NA ITO: