Around GMA

Article Inside Page

Nominado ang ilang Kapuso artists at singers sa prestihiyosong 37th Awit Awards.

Kabilang sa mga nominado ang singer at actor na si Matt Lozano, The Clash graduates Garrett Bolden, John Rex, Vilmark, at Kapuso OST Princess Hannah Precillas.

Kabilang din sa mga nominado ang anak ni April Boy Regino na si JC Regino, si Abby Clutario, Kapuso girl group na XOXO.

Nominado bilang Record of the year ang kanta ni JC Regino and the April Boys na “Idolo,” “Ikaw Pala” ni Garrett Bolden, “Lisan” ni Villmark, at “Tadhana” ni Abby Clutario.

Source: awitawards/IG

Nabigyan rin ng nominasyon bilang Best Performance of a Solo Artist si Anton Paras para sa “Can't Wait,” Garrett Bolden para sa “Ikaw Pala,” Vilmark para sa “Lisan,” Hannah Precillas para sa “Sa Aking Daigdig,” at Abby Clutario para sa “Tadhana.”

Nabigyan naman ng nominasyon ang XOXO ng Best Performance of a Group Artist para sa single nila na “GLNG.”

Source: awitawards/IG

Nominado naman bilang Song of the Year ang awitin ni JC Regino and the April Boys na “Idolo” at ang “Lisan” ni Vilmark.

Nakuha naman ni Garrett Bolden ang dalawang nominasyon para sa Best R&B Recording para sa kaniyang mga kanta na “Ikaw Pala” at “Kung Malaya Lang Ako”; at si Anton Paras para sa kaniyang single na “Can't Wait.”

Source: awitawards/IG

Source: garrettboldenjr/IG

Nominado rin para sa Best Ballad Recording ang “Idolo” ni JC Regino and the April Boys, “Kung Malaya Lang Ako” ni Garrett Bolden, “Liham” ni Matt Lozano, “Lisan” ni Vilmark, at “Oras Ko 'To” ni John Rex.

Source: awitawards/IG

Wala pang binibigay na detalye ang Awit Awards kung kailan iaanunsyo ang mga nanalo. Base sa Facebook post nito, sinabi ng award-giving body na naghahanda na silang ipagdiwang ang “best of OPM soon.”

Ang Awit Awards ay music awards na iginagawad sa mga artists na may outstanding achievements sa music industry.