Around GMA

Article Inside Page

Ipinagdiwang kamakailan nina Matteo Guidicelli at Sarah Geronimo ang kanilang sixth wedding anniversary.

Matatandaang ikinasal sila sa isang kontrobersiyal pero intimate na ceromony sa Taguig noong February 20, 2020.

Ayon kay Matteo, hindi daw sila nagmamadali ni Sarah na magkaroon ng anak.

Ibinahagi ito ni Matteo sa online show ni Ogie Diaz matapos tanungin ng veteran showbiz writer at talent manager kung hinihingan na sila ng apo ng kanilang mga magulang.

"Siyempre humihirit sila, oo naman. But I don't want to pressure Sarah. Again, at the end of the day, in God's time," lahad ni Matteo.

Naiintindihan daw kasi ng actor at businessman ang pressure na nararamdaman ng kababaihan lalo na sa usapan ng pagkakaroon ng anak.

"Alam ko, it's very cliché, 'At the end of the day, lahat ng mga tao, in God's time.' Pero sa totoo, nakaka-pressure sa female," paliwanag ni Matteo.

"A few months ago, I was always asking, but now I pulled back na. If it happens, it will happen," dagdag niya.

Obserbasyon naman ni Ogie na maraming young couples ang pinipiling hindi muna agad magkaroon ng anak para maglaan ng oras para sa isa't isa matapos ikasal.

"'Yun 'yung konsepto talaga namin, mag-enjoy. You know, Sarah and I. Our love story was really a different kind of love story. Gusto tlaga ni Sarah i-enjoy muna 'yung pagiging individual niya. We did it and she's enjoying it. I'm very very proud of my wife na after six years, she has matured, developed into this beautiful strong woman. And now in God's time time, sana mangyayari," pahayag ni Matteo.

Sa ngayon daw, sinusubukan na nilang bumuo ng pamilya pero ang Diyos pa rin daw ang bahala kung mabibiyayaan sila ng supling.

"Noong umpisa, kino-kontrol talaga namin na huwag muna. Ngayon we're trying na, hopefully," aniya.

SAMANTALA, SILIPIN ANG BAKASYON NINA SARAH GERONIMO AT MATTEO GUIDICELLI SA SAN FRANCISCO DITO: