Matteo Guidicelli, tampok sa bagong dokumentaryo ng mga sundalong Pilipino na 'Philippine Defenders'
Around GMA
Around GMA
Amihan to bring cloudy skies, light rains over PH Purple Hearts Foundation brings joy via year-end gift-giving outreach Davao police say boy’s injury not caused by firecrackersArticle Inside Page
Showbiz News
Abangan si Matteo Guidicelli sa pinakabagong dokumentaryo ng mga bayaning sundalong Pilipino na 'Philippine Defenders.'
Nagbabalik sa telebisyon si Matteo Guidicelli pero hindi bilang aktor, kundi bilang isang proud reservist ng Philippine Army na maghahatid ng mga kuwento ng tapang, sakripisyo, at kabayanihan ng mga sundalong Pilipino.
Ayon sa report ni Aubrey Carampel sa 24 Oras nitong Huwebes, May 14, bibida si Matteo sa pinakabagong dokumentaryo ng GMA Public Affairs na Philippine Defenders.
"It is always a dream to do something to tell their story. Sinasabi ko palagi sa sarili ko at may mga sundalo din sa pamilya ko, I will never be like one of them but my dedication and my vow to them is I will always tell their story," sabi ni 2nd Lieutenant Guidicelli.
Sa kaniyang pagganap sa pinakabagong dokumentaryong ito, binansagan si Matteo bilang kauna-unahang sibilyan at celebrity na sumabak sa Scout Ranger training -- ang elite force ng Philippine Army.
Unang naging miyembro ng Scout Ranger reservist si Matteo noong 2019. Matapang din na sumailalim si Matteo sa airborne training kasama pa ang ibang sundalo.
Sa kaniyang Instagram, ibinahagi ni Matteo ang isa sa mga masasayang karanasan habang kinukunan ang dokumentaryo.
Mapapanood na si Matteo sa Philippine Defenders ngayong Sabado, May 17, 3:15 p.m. sa GMA.
Samantala, kilalanin si Matteo Guidicelli sa gallery na ito:
