Around GMA

Article Inside Page

Inamin ng newbie Sparkle actor na si Matthew Uy na hindi siya nakapagsalita nang makita ang kanyang longtime crush, ang Abot-Kamay Na Pangarap star na si Jillian Ward.

Sa programang Fast Talk with Boy Abunda, first time na sumalang ni Matthew sa isang interview kasama ang batikang TV host.

Isa sa mga buena manong tanong ni Boy Abunda kay Matthew ang tungkol kay Jillian.

“Sino si Jillian Ward sa buhay mo?” tanong ni Boy kay Matthew.

“Si Jillian Ward po matagal ko na po siyang crush before pa po ako mag-showbiz,” kinikilig na sinabi ng binatang aktor.

Kuwento ng aktor, hindi siya nakapagsalita nang una niyang makita sa personal si Jillian.

Aniya, “Sobrang na-starstruck po ako di po ako makapagsalita sa harap niya. Ano po parang nag-frozen po ako. Sabi ko lang po, 'Hi.'”

Samantala, napapanood ngayon si Matthew sa ikatlong kuwento ng Sparkle U series na Sparkle U: Soundtrip kasama sina Althea Ablan, Zephanie, at Michael Sager.