Around GMA

Article Inside Page

Sa Fast Talk with Boy Abunda nitong Huwebes, September 10, inamin nina Maui Taylor, Katya Santos, at Andrea del Rosario na napag-usapan nila ang pagpapalit ng pangalan ng bagong grupo.

Ani Andrea, “Na-raise 'yung topic kasi parang may usap-usapan na ganu'n. Siyempre, we have nothing against it, it's just that siyempre, malapit sa puso namin 'yung name na 'yun that we actually asked the management if we could keep it. We've been identified to that name for years.”

Pag-amin pa ni Maui, naging emosyonal sila at ang kanilang mga kagrupo nang malaman nilang may bagong grupo na ang VIVA Entertainment.

Samantala, binalikan naman ni King of Talk Boy Abunda ang interview ng isa sa mga miyembro ng VMX Babes kung saan sinabi umano nito na mas magaling sila kumpara sa orihinal na grupo.

Sagot ni Maui, “Tito Boy, siguro naman po hindi kami tatagal ng 23 years kung wala naman po kaming naitanim at ipinakitang talent.”

Nilinaw din nina Maui, Katya, at Andrea na maganda ang relasyon nila sa kapwa girl group na SexBomb Girls.

Sa katunayan, inimbitahan umano sila ng SexBomb Girls para sa kanilang reunion concert, ngunit hindi sila nakapunta dahil hindi naman sila kumpleto.

Kaya naman, sabi ni Andrea, inimbitahan na lang nila ang mga ito para sa kanilang upcoming reunion concert.

Nilinaw naman ni Katya na wala silang kompetisyon sa pagitan ng SexBomb Girls dahil magkakaibigan sila.

“Tito Boy, there's no competition between us kasi magkakaibigan kami. We just want to clear things kasi 'yung mga fans kasi 'yung nagbibigay ng meaning. Pero we don't want to compete. Kung ano 'yung narating nila, kami naman, this reunion is not about kung mas successful kami.”

ALAMIN KUNG NASAAN NA NGA BA ANG MGA MIYEMBRO NG VIVA HOT BABES SA GALLERY NA ITO: