Around GMA

Article Inside Page

Na-miss n'yo ba ang transwoman beauty na si Mara sa Pepito Manaloto?

Puwes, wish granted at malapit n'yo na uli mapanood ang karakter ng Kapuso comedienne na si Maureen Larrazabal!

May pasilip ang versatile Kapuso actress sa naging taping niya for the show kung saan nakapagpa-selfie siya with Michael V. at Manilyn Reynes, mga lead characters na sina Pepito at Elsa.

Naka-bonding din ni Maureen sina Jake Vargas, Janna Dominguez, at ang gumaganap bilang young Pepito sa prequel ng sitcom na si Sef Cadayona.

“Hello there! Salamat at nagkita-kita kami ulit, missed them dearly #pepitomanaloto”

View this post on Instagram

A post shared by MaureeneLarrazabal (@maureenelarrazabalofficial)

Bukod sa Pepito Manaloto, napanood din si Maureen sa iba pang patok na comedy programs ng GMA-7 tulad ng Bubble Gang, Kool Ka Lang, at Lagot Ka, Isusumbong Kita.

Mahigit 15 taon ng nasa bakuran ng Kapuso Network ang magaling na comedienne. Sa panayam sa kanya ng GMANetwork.com noong October 2021, ibinahagi niya ang dahilan kung bakit nananatili siyang loyal bilang Kapuso.

Paliwanag ng Kapuso star, “The reason why I'm truly grateful, there was a time in my life na nabulag ako for two years and they did not give up on me. I was given a show, I think If I'm not mistaken Kool Ka Lang 'yun or Lagot Ka, Isususmbong Kita, where ginawa ko pa rin siya, tuloy-tuloy ako part ng show, even if inalalayan lang ako, nire-read nila 'yung script ko inulit-ulit lang nila sa akin para ma-memorize ko. So, 'yung time na nabulag ako at wala akong nakikita, they were there for me. Hindi nila ako ni-let go.”

“Pero ang GMA, hindi nila ako binitawan, ni hindi nila kinausap about it, wala, basta binigyan pa rin nila ako ng work. So, importante sa akin ang gratitude, importante sa akin ang loyalty. Importante sa akin 'yung mga taong tumutulong sa akin sa mga panahon na wala ako,” kuwento ng comedy actress.

Heto at ating balikan ang throwback photos ng original cast ng Pepito Manaloto sa gallery below.