Around GMA

Article Inside Page

Kabilang ang Legaspi family na sina Carmina Villarroel, Zoren Legaspi, Mavy Legaspi, at Cassy Legaspi sa 2025 Metro Manila Film Festival entry na Rekonek, na ipapalabas sa December 25.

Sa "Chika Minute" report ni Athena Imperial para sa 24 Oras kamakailan, ikinuwento ng Hating Kapatid stars ang kanilang paboritong inihahanda tuwing Pasko.

"Ang isang hindi mawawala ay ang fruit salad at ang macaroni salad., 'yun talaga. Parang hindi ko nga naintindihan kung bakit tuwing Christmas lang ako nagpe-prepare ng fruit salad, e pwede naman ako gumawa no'n all year round. Pero kasi recipe pa 'yun ng mommy ko," ani ni Carmina.

Naniniwala rin ang Legaspi family na deserve ng mga Pilipino ng espesyal na pagsasaluhan ngayong Pasko.

Dagdag ni Carmina, "Ang gusto naman natin na, kasi once a year lang naman tayo mag-celebrate, so siyempre hindi naman tayo naghahangad ng excess pero siyempre we really want to celebrate 'yung togetherness, 'yung reconnection with the family and loved ones. So we try our best, parang all year round, magse-save tayo just in time for Christmas."

Bukod dito, looking forward ang kambal na sina Mavy at Cassy sa kanilang pelikula.

"Napakaganda ng ensemble ng cast and I'm very excited to see this on the big screen," ani Mavy.

Dagdag ni Cassy, "Napaka-heartwarming to watch the trailer and I'm very excited to see how the characters can reconnect with one another."

Kasalukuyang bumibida ang Legaspi family sa GMA Afternoon Prime series na Hating Kapatid.

Panoorin ang buong "Chika Minute" report sa video na ito.

RELATED GALLERY: Kapuso actors to star in MMFF 2025 movies