Around GMA

Article Inside Page

Mapapanood ang versatile actress na si Max Collins sa upcoming primetime series na My Guardian Alien.

Ang naturang serye ay pagbibidahan ni Marian Rivera at Gabby Concepcion kasama si Max.

Sa panayam ng GMA Network, ikinuwento ng aktres ang dahilan kung bakit siya napa-oo sa proyektong ito. Ayon Kapuso star, excited siya sa bagong gagampanan niyang role bilang kontrabida sa serye.

"Siyempre, ito yung pagbabalik [sa primetime] ni Marian Rivera and I'm very excited kasi first time kong mag-kontrabida in a teleserye. So, this really is something that I've been looking forward to doing, a new character for me and that's why I accepted the role,” aniya.

Ayon pa sa Kapuso star, nae-enjoy niya ang pagbibigay-buhay sa kanyang karakter sa serye at pamilya na ang turing niya sa kanyang co-stars.

"Lahat sila magaan katrabaho, sobrang saya ng set namin, and I just enjoy playing my character. So, I've just been having fun and everyone has become like family to me, basically, ever since we started the taping," saad niya.

Bukod dito, masayang experience rin na makatrabaho ni Max ang nag-iisang Kapuso Primetime Queen sa My Guardian Alien.

"Working with Marian has been great kasi napakabait niya. Lagi siyang nagpapakain sa set and it's so much fun kasi siyempre masaya kapag maraming food. And she's just a very sweet person. It's been a very easy, fun, and magaan na set for us," aniya.

Bukod kina Marian, Gabby, at Max, kabilang din sa stellar cast ng My Guardian Alien sina Gabby Eigenmann, Raphael Landicho, Kiray Celis, Arnold Reyes, Tanya Gomez, Caitlyn Stave, Josh Ford, Sean Lucas, Tart Carlos, Christian Antolin, Kirst Viray kasama si Marissa Delgado.

Ang upcoming primetime series na ito ay sa ilalim ng direksyon ni Zig Dulay.

Abangan ang My Guardian Alien sa GMA Prime.

SAMANTALA, KILALANIN SI MAX COLLINS SA GALLERY NA ITO: