Around GMA

Article Inside Page

Hindi maikakaila na kilala sina Meryl Soriano at Mel Martinez sa kanilang husay sa matinding acting, lalo na't iisa lamang ang dugo nila sa Diamond Star na si Maricel Soriano.

Sa Fast Talk With Boy Abunda nitong Lunes, November 10, inamin nina Meryl at Mel na nakaramdam sila ng pressure noon sa pagsabak sa showbiz dahil madalas silang ikumpara kay Maricel.

“Siguro, Tito Boy, noong bata bata ako meron, 'yung dati, may mga dati nakakaano pa na 'Ay ang galing galing mo naman, pamangkin ka kasi ni Maricel Soriano,'” ikinuwento ni Meryl.

Ibinahagi ni Meryl na hanggang ngayon ay nakakatanggap pa rin siya ng mga ganitong klaseng komento.

“But she is the Diamond Star, and we are very honored to be related to her, and also, she is one of my greatest teachers, growing up sa industry, and she is really one of the most generous actors that I have worked with,” paliwanag niya.

Samantala, si Mel ay sinusubukang hindi ma-pressure, ngunit aminado siya na nagkaroon din ng panahon na naramdaman niya ito.

“Pressure, oo kasi given yun kapag sinabing Maricel Soriano kasi she set the bar so high,” sabi ni Mel.

Aminado rin siya na kahit nakaramdam siya ng pressure, nagabayan sila ng mabuti ng batikang aktres.

“So, noong lumaki na kami, and we found our niche, syempre we tried to, syempre ayaw naming mapahiya si Ate [Maricel] kumbaga we would like her to be proud of us, so we give our best all the time kung hindi best, gusto namin siya higitan,” biro niya.

Maliban sa pagiging magkadugo, ibinahagi nina Meryl at Mel na ang turingan nila sa isa't isa ay “mag-best friend.”

“Hindi porket mag-tito kami, mag-best friend kami, 'e meron boundary sa respect. Kasi syempre kami, we grew up kapag mas nakakatanda sayo, may respeto, which is ganoon kami ni Meryl, hindi niya ako binabastos kumbaga 'yung respeto niya sa akin is very high,” paliwanag ni Mel tungkol sa kanilang pagkakaibigan.

Samantala, tingnan dito ang pamilya ni Meryl Soriano: