Meryll Soriano, Mel Martinez talk Maricel Soriano's generosity
Around GMA
Around GMA
Car driven by cop falls into ravine in Balamban, Cebu NCAA: San Beda escapes Benilde in thriller, punches ticket to rivalry finals vs. Letran XG's Cocona undergoes top surgery, comes out as AFAB transmasculine non-binaryArticle Inside Page
Showbiz News
Kung mayroon isang salita sina Mel Martinez at Meryll Soriano para ilarawan si Maricel Soriano, iyon ay generous.
Kilala bilang isa sa magagaling na aktor si Diamond Star Maricel Soriano. Ngunit ayon kina Mel Martinez at Meryll Soriano na kaniyang kapatid at pamangkin, kilala rin ang batikang aktres sa kaniyang pagiging mapagbigay bilang isang ate o tita.
Sa Fast Talk with Boy Abunda nitong Lunes, November 10, aminado sina Mel at Meryll na nakaramdam sila noon ng pressure sa pagpasok nila sa show business dahil sa pagiging kamag-anak ni Maricel.
“Siguro Tito Boy, nu'ng bata-bata ako, meron. Dati nakaka-ano pa na 'Ay ang galing-galing mo kasi pamangkin ka ni Maricel Soriano.' Always 'yan, hanggang ngayon naman. But she is the Diamond Star and we are honored to be related to her,” sabi ni Meryll.
Aminado naman si Mel na “she set the bar so high” pagdating sa pagiging isang artista kaya rin siya na-pressure noon.
Pero kuwento ni Meryll, naging “greatest teacher” niya si Maricel noong pumasok siya sa industriya. Sa katunayan, verbal siyang tinuturuan ng kaniyang tita pagdating sa pag-arte.
“She's really one of the most generous actors that I've worked with. Hindi siya madamot na artista,” sabi ni Meryll.
Dagdag pa ni Mel ay naging gabay nila sa pagpasok sa industriya ang kaniyang Ate Marya, hanggang sa tumanda at nahanap nila ang kanilang niche.
“Siyempre ayaw namin mapahiya si Ate. Kumbaga we would like her to be proud of us so we give our best all the time. If not our best, gusto namin siyang higitan,” ani Mel.
Ngunit bukod sa pagiging generous nito bilang isang artista, mapagbigay din ang Diamond Star pagdating sa pera. Sa katunayan, madalas silang natatanong ni Maricel kung may panggastos ba sila, at minsan ay nagbibigay pa ng kusa kahit hindi hingan.
Kuwento pa ni Mel, “I can never ever forget kasi nu'ng nagda-dialysis ang Daddy ko, my dad passed away na pero he underwent dialysis for like 11 years, and then there was a time na naospital si Daddy ilang beses for the stent sa angioplasty. So each time, nako, inaabot kami nang sobra-sobra sa hospital bill. Si Ate Marya ang saving grace namin. Hinding-hindi ko makakalimutan 'yun.”
Panoorin ang panayam kina Mel Martinez at Meryll Soriano dito:
RELATED CONTENT: TINGNAN ANG CELEBRITIES NA NAKIDIWANG NG 60TH BIRTHDAY NI MARICEL SA GALLERY NA ITO:
