Dumaan sa masusing research ang paglikha ni Francis Libiran ng costumes ng mga Sang'gre ng Encantadia. Bukod kasi sa kanilang fight scenes ay inaabangan din ang kanilang mga suot habang nasa palasyo.
READ: Mga kasuotan ng 'Encantadia' Sang'gres, si Francis Libiran ang gagawa
Sa interview ni Nelson Canlas sa sikat na fashion designer para sa 24 Oras, matinding pag-aaral daw ang ginawa ni Francis para sa bagong look nina Alena, Amihan, Danaya, at Pirena.
"Nasa YouTube ako nang matagal talaga to really research on each character. Tapos siyempre, tiningnan ko rin ang pictures ng girls para talaga ibagay ang mga designs for them."
Excited naman sina Glaiza de Castro at Kylie Padilla na isuot ang kani-kanilang costumes.
"'Yung costume pa lang nangungusap na, so nakakatuwa na we're working with a renowned designer," kuwento ni Glaiza, na gaganap bilang Pirena.
Malaking bonus daw ang costume dahil lalong pinaigting ang kanilang paghahanda para sa Encantadia 2016. Tuloy-tuloy daw ang training nila kahit nasa set.
Pahayag ni Kylie, "Hindi naman kami huminto [sa training]. At hindi puwedeng huminto ka kasi sa set, sabi ni Direk, kapag hindi kami nagte-take, mag-eensayo kami. Ako personally, hinahanda ko ang katawan ko kasi ang hirap umarte nang pagod ka, so bini-build ko ang endurance ko."
Si Sanya Lopez naman, sinusubukang hindi ma-pressure sa kanyang role bilang Danaya.
"Sobrang laking challenge po and actually nakaka-pressure rin pero pinipilit ko na hindi dapat, kino-control ko. Kasi kapag nagkataon, maapektuhan ang trabaho namin."
MORE ON ENCANTADIA:
MUST-TRY: View your name in 'Nchan' through GMANetwork.com's 'Encantadia' name generator
Original cast na si Sunshine Dizon, kumpirmadong kabilang sa 'Encantadia' requel
