Around GMA

Article Inside Page

Hindi lamang binuksan ng award-winning Kapuso comedian na si Michael V. ang kanyang bahay kay Bernadette Sembrano, dahil naging bukas din siya pag-usapan ang relasyon niya sa misis na si Carol "Ayoi" Bunagan na mahigit tatlong dekada na niyang asawa.

Sa panayam ni Bernadette kay Bitoy sa vlog niya, ikinuwento nito kung paano sila nagkakilala ng kanyang beautiful wife.

Lahad niya sa Kapamilya news presenter, “Magkapareho kami ng school, PLM. Tapos kapag may project sila na mga plays, kailangan nila ng actors, kami ang kinukuha nila. Doon kami nagkakilala.”

Dito inilahad din niya kung paano siya nakakaiwas sa tukso tulad ang ma-link sa kanyang sexy co-stars.

“There's no other way to do it. Pagka-husband ka 'yun lang talaga ang dapat mong gawin.” diin ni Bitoy.

“Para sa akin, ang pinaka-sexy pa rin ang misis ko. Pinakamaganda!”

Sumunod na tanong ni Bernadette: “Bakit ganun ang naging direksyon mo?"

Paliwanag ng Pepito Manaloto star, “Dati parang ano lang, una siyempre 'yung loyalty mo sa partner mo, 'di ba? Tsaka 'yung vows na binitawan mo. That's number one!

“At saka 'yung pagiging Katoliko namin, nagpakasal kami sa church e, parang kakahiya naman.”

“Madalas na sinasabing reputation ng mga komedyante raw babaero, ganyan! Parang maiba lang, hindi naman kailangan ganun talaga.”

“There was a time gumagawa ako ng pelikula, nagbibida na ako. The writers are attempting to put something like that. Parang, may kissing scene dito, ang partner mo dito is a sexy star. 'Pag tinanggal mo 'tong eksena na ito, magmo-move ba 'yung storya? Parang puwede naman e.”

Nakapanayam din ni Bernadette Sembrano si Carol at dito inilarawan naman niya ang mister na "thoughtful.”

Aniya, “As a husband, thoughtful.”

“Ang sabi nga ng mga anak ko, ang love language niya, he showers you with gifts. Pero siguro having come from where we did, pareho kaming humble beginnings naman. Laki siyang Tenement, ako laking Tondo e.

“We grew up with bare necessities ba.”

Sabat ni Michael V., “Pero we never felt poor.”

Sabi naman ni Carol, “Okay lang, so ine-enjoy mo lang. Mas masaya lang when you look back na parang how far we've come 'di ba, from where we started.”

RELATED CONTENT: FUN FACTS ABOUT DIREK BITOY