Around GMA

Article Inside Page

Umabot ng walong taon bago ikinasal si Michele Gumabao sa kaniyang longtime boyfriend noon na si Aldo Panlilio. Isa umano sa mga dahilan nito, ay ang kaniyang ama na si Dennis Roldan.

Sa Fast Talk with Boy Abunda nitong Miyerkules, June 5, ibinahagi ni Michele na isa sa mga dahilan kung bakit sila natagalan ni Aldo na magpakasal ay dahil iniintay niya ang amang si Dennis.

“I think, deep inside, I also really wanted to wait if my dad would get out, if makakasama ba namin siya, it was a big factor also for me na parang ayoko pa ikasal. 'What if next year makalabas siya to walk me down the aisle?'” pag-alala ni Michele.

Pag-amin ni Michele, sobrang na-miss niya ang ama sa kaniyang kasal; mula sa mga araw papunta sa mismong kasal, sa mismong special event niya, at habang naglalakad papunta sa altar.

“I got to visit him and talk to him, just our conversations, if there's one thing, he got to pray for me and we got married in Baguio, Tito Boy, and that whole week, talagang grabe 'yung ulan, 'yung weather,” Pag-alala ni Michele.

“And I told my dad, sabi ko, 'Papa, you have to pray because grabe 'yung ulan.' I have [been] seeing pictures of the wedding, and I think in that sense, he was there, and that just calmed me down, and my mom would always be enough,” pagpapatuloy niya.

Nilinaw naman ni Michele na hindi nagkulang ang kanilang ama sa kanila. Pagbabahagi niya, ito madalas ang unang nagbibigay ng congratulations tuwing nananalo ang team niya sa games. Maging sa kaniyang kasal, nagbibigay din umano si Dennis ng payo at tulong sa kanila.

Ngunit kuwento ni Michele, sa mga pagbisita niya kay Dennis, hindi niya nakasama si Aldo. Dahil immediate family lang ang pwedeng bumisita at hindi pa naman sila kasal noon ay siya lang sa kanilang dalawa ang nakakadalaw.

Matatandaan na naaresto at nakulong noong 2005 ang dating basketball player at aktor sa kasong kidnapping.

Panoorin ang panayam kay Michele dito:

RELATED CONTENT: BALIKAN ANG CELEBRITIES NA IKINASAL DIN NANG DALAWANG BESES: