Around GMA

Article Inside Page

Isang bagong karakter na naman ang dapat abangan sa full action series na Black Rider.

Magiging bahagi kasi ng top-rating primetime series na ito si Miss Universe Philippines 2023 Michelle Dee.

Sinalubong pa ng executive producers ng programa si Michelle sa pagdating niya sa unang taping day niya para sa serye.

"Welcome sa #BlackRider, Michelle Dee! Makakasama na natin si Miss Universe Philippines 2023 Michelle Dee gabi-gabi!" sulat ng programa sa Instagram.

Tingnan ang post na ito sa Instagram

Isang post na ibinahagi ni GMA Public Affairs (@gmapublicaffairs)

Ayon kay Michelle, gaganap siya bilang isang assassin sa serye. Isa raw ito sa mga proyekto na lubos niyang inaabangan dahil na rin sa mga personal niyang mga interes.

Matatandaang isa ring motorcycle enthusiast si Michelle na mahilig sumakay sa mga big bikes.

"I'm such an adrenaline junkie. I was like, I wanna be on that show pero siyempre lumaban muna tayo. Pinaglaban muna natin ang Filipinas. I'm so excited for my role. Naku, abangan niyo 'yan," pahayag ni Michelle.

Image Source: michelledee (Instagram)

Ang Black Rider ay kuwento ng isang simpleng delivery rider na magiging bayani ng lansangan at haharap sa isang malaking sindikato.

Sumama sa biyahe ng full action series na Black Rider, Lunes hanggang Biyernes, 8:00 p.m. sa GMA Telebabad.

May simulcast ito sa digital channel na Pinoy Hits at may delayed telecast naman sa GTV, 9:40 p.m.

Maaari rin itong mapanood via livestream online sa Kapuso Stream.