Around GMA

Article Inside Page

Masayang nakabalik sa GMA Network bilang bagong Sparkle star ang actor-model na si Miggs Cuaderno.

Noong December 11, excited si Miggs na muling maging bahagi ng roster of Kapuso talents sa ginanap na contract signing ng Sparkle GMA Artist Center.

"Maraming salamat po Ms. Joy (Marcelo), Ms. Annette (Gozon-Valdes), Sir Daryl Zamora, for welcoming me back. It's been my home ever since I was 6 years old, and it's really, really great to be back," aniya sa event.

Ngayong opisyal na siyang balik-Kapuso, marami raw dapat abangan mula kay Miggs. Isa na rito ang kanyang bagong projects kasama ang GMA.

"Of course, I'm here to hone my craft and my passion for filming and acting," pahayag niya kasama ang GMANetwork.com. "Marami kayo maabang sa akin kagaya na lang po ng Born to Shine. Malapit na po 'yan this coming year 2026, abangan n'yo po 'yan."

Kasama rin sa kanyang excitement ang pagkakataong makatrabaho muli ang ilang Kapuso stars, partikular na ang Nation's Son na si Will Ashley.

"I want to work with Will again. Nagka-work na kami sa Mano Po Legacy: The Flower Sisters, he's my brother-in-law (there). I really, really want to work with him again since it's a very great set already," ani Miggs.

Kitang-kita ang closeness ng dalawa sa contract signing , kung saan agad binisita ni Will si Miggs para batiin sa kanyang pagbalik.

Bukod kay Will, may iba pa nais si Miggs na makatrabaho sa GMA: "Of course, Sir Dingdong Dantes and Ate Marian Rivera!"

Nagsimula ang career ni Miggs Cuaderno bilang isang cute at talented na child star. Sa patuloy niyang paghasa sa acting at filmmaking, unti-unti siyang kinilala at naging isang award-winning actor.

Kabilang sa mga tumatak na GMA shows na kinabilangan niya ang Tropang Potchi (2009), Munting Heredera (2011), Poor Señorita (2016), at Prima Donnas (2019).

Kilalanin pa si Miggs Cuaderno sa gallery na ito: