Around GMA

Article Inside Page

Napuno ng sorpresa ang unang special episode ng All-Out Sundays Summerversary, ang month-long celebration ng AOS para sa anibersaryo nito.

Sa March 17 episode ng All-Out Sundays, nagtagisan sa isang performance showdown and cast na nahati sa apat na grupo na may tandem na leaders. Sina Julie Anne San Jose and Rayver Cruz para sa “Team Sun”, Sanya Lopez at Derrick Monasterio para sa “Team Sea”, Miguel Tanfelix at Ysabel Ortega sa “Team Sand”, Rita Daniela at Ken Chan para sa “Team Wind”.

Mula sa poll votes mula sa mga viewers ng All-Out Sundays ang naging hatol sa mga grupo. Matapos magpakitang gilas ng bawat team, tinanghal na winner ang Team Sand na may 5,925 votes, kasunod naman sa second place and Team Sun nina Julie Anne San Jose at Rayver Cruz with 3,947 votes, na sinundan sa third place nina Ken Chan at Rita Daniela with 3,726 votes, at nina Sanya Lopez at Derrick Monasterio sa Team Sea with 3,595 votes.

Lubos na nagpasalamat ang YsaGuel sa lahat ng mga bumoto. Ayon kay Miguel, "Thankful kami sa lahat ng bumubuo [ng Summer Versary], from the stylist sa lahat ng team members namin, sa dancers, sa writers, sa lahat...nakakaproud."

Saad naman ni Ysabel, "Hindi naging madali, I'm sure alam natin ito lahat, ang hirap pala. Pero gusto ko lang magsabi ng maraming maraming salamat sa lahat ng bumoto at sa All-Out Sundays para sa Summerversary episode na ito. Sobrang masaya, sa lahat ng bumoto maraming salamat po. Congratulations sa atin, guys."

Dumayo pa raw ng Ilocos sina Miguel at Ysabel para mag-shoot ng kanilang AVP na dinirek at in-edit ni Miguel.

"Kinarir talaga nila. Dumayo pa talaga sila ng Ilocos para mag-shoot," kwento ni Mark Bautista na miyembro rin ng Team Sand.

"Collaborative effort talaga siya between all the members of the group," dagdag naman ni Glaiza De Castro na Team Sand member din.

Balikan ang March 17 episode ng All-Out Sundays Summerversary: