Miguel Tanfelix, ramdam ang pagiging sikat ng kanyang ina online
Around GMA
Around GMA
DepEd promotes 16k public school teachers under expanded career progression system Cases vs. Sarah Discaya, others transferred to Lapu-Lapu City GMA Network transitions to cloud-based IP distribution via partnership with Synamedia and Telered Technologies and Services Corp.Article Inside Page
Showbiz News
"Nakaka-proud, nakaka-happy na nakikita ko 'yung progress ni mommy," saad ni Miguel sa kanyang inang si Grace.
Ramdam na ramdam ni Miguel Tanfelix kung gaano kasikat ang kanyang inang si Grace sa iba't ibang social networking sites.
Isa na kasing content creator ang kanyang ina na may mahigit 1.6 million followers sa Facebook.
"Ramdam na ramdam ko na kasi kahit mga artista mismo, sinasabi sa akin na, 'Pinapanood ko 'yung nanay mo,'" saad ni Miguel pagkatapos ng media conference ng Mga Batang Riles.
"Nakaka-proud, nakaka-happy na nakikita ko 'yung progress ni mommy. A month ago, nag-celebrate siya ng 1 million followers. Ngayon, magtu-two million na agad, ang bilis, kaya happy ako for her."
Sa report ni Darlene Cay sa 24 Oras noong May 2024, sinabi ni Grace na mula noong hindi na niya kailangan samahan sa taping si Miguel ay naghanap siya ng iba pang pagkakaabalahan, at yun ang pagluluto.
"One time, nagluluto ako. sabi ko, i-video ko kaya ito. Then, pinost ko sa TikTok. Nagustuhan naman ng viewers and then, more pa raw. Nagsunod-sunod na," saad niya.
Mapapanood si Miguel bilang Kidlat sa GMA Prime drama-action series na Mga Batang Riles na aarangkada na sa Lunes, January 6, 8:00 p.m.
