Miguel Tanfelix, Ysabel Ortega at Gabby Eigenmann, nagulat sa suportang natanggap sa Comic Con
Around GMA
Around GMA
State of the Nation Livestream: May 12, 2026 BFAR-11 steps up to help Davao City fisherfolk amid El Niño threat Here are the winners of The Miss Philippines 2026Article Inside Page
Showbiz News
Gabby Eigenmann: "Voltes 5 represent.. GMA represent.. Pilipinas represent!!!!"
Hindi makapaniwala ang stars ng hit mecha adaptation na Voltes V: Legacy na sina Miguel Tanfelix, Ysabel Ortega, Gabby Eigenmann sa suportang natanggap nila sa katatapos lang na Comic convention o Comic con na ginanap sa San Diego, California.
“Di namin in-expect na ganun karami yung susuportang mga Pinoy, meron ding mga iba't bang lahi,” sabi ni Miguel sa interview nila kay Cata Tibayan sa "Chika Minute" para sa 24 Oras.
Dagdag pa ni Ysabel, “Ang daming Pinoy na nandoon na talagang super excited makita na may kapwa din sila Pinoy na kasali sa comic con and nagpa-panelist din sa comic con so we're so proud.”
Samantala, para naman kay Gabby ay hindi lang basta Voltes V: Legacy team ang kanilang nire-represent, kundi ang buong GMA Network at buong Pilipinas sa pagdalo nila sa naturang event.
Unang inanunsyo ng direktor nitong si Mark Reyes na makakasama ang Voltes V: Legacy sa naturang convention noong July 8, sa Toycon Ph na ginanap sa SMX convention center.
“Dogu, an entertainment publishing powerhouse, volts in with GMA Network for the exceptional San Diego Comic-Con (SDCC) 2023 with the convention debut of Voltes V: Legacy this July,” anunsyo ni Direk Mark.
“Just to put everything into perspective, wala pa pong Asian production na nakatapak sa San Diego Comic Con in South California,” dagdag pa nito.
Sa Comic Con, ipinamalas nina Miguel, Ysabel at Gabby ang kanilang flight suits at costumes.
Sa post ng aktor sa Instagram, sinabi niyang “Being a panelist of Voltes V Legacy's full house event and representing our country in the world's biggest Comic-con event makes my heart want to shout: I am proud to be Pinoy.”
Bukod pa dito, nakagawa pa ng isang skit ang stars ng naturang serye, kung saan muntik nang mahuli ni Commander Robinson na magka-holding hands ang anak niyang si Jamie at si Steve.
Panoorin ang kabuuan ng ulat dito:
SAMANTALA, TINGNAN ANG MGA NAGANAP SA PAGDALO NINA MIGUEL YSABEL AT GABBY SA COMIC CON SUOT ANG KANILANG COSTUMES DITO:
