Mike Enriquez, inilibing na sa Marikina City
Around GMA
Around GMA
St. Luke's inhaler clinic opens to improve asthma, COPD patient care Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Kahapon, September 3, inilagak na ang batikang brodkaster at Kapusong si Mike Enriquez sa kanyang huling hantungan.
Inihatid na ang batikang brodkaster na si Mike Enriquez sa kanyang huling hantungan sa Loyola Memorial Park sa Marikina City noong Linggo, September 3.
Bago tumungo sa Loyola Memorial Park, nagpasalat ang asawa ni Mike na si Baby Enriquez na nakatuwang niya sa mahigit apat na dekada.
"Nagpaplano na nga kami, e, for our 50th [anniversary]. Well, God has other plans," pahayag nito sa burol na ginanap sa Christ The King Parish sa Greenmeadows.
"Ang kabilin-bilinan sa akin ni Mike, 'wag ako iiyak, and this photo, gustong-gusto niya 'yang photo na 'yan."
Ngunit hindi napigilan ni Baby na maging emosyonal nang binalikan niya ang pangako nila sa isa't isa, 46 na taon na ang nakararaan.
"'Til death do us part. Excuse me po," emosyonal na sabi nito. "Thank you, family and friends, once again. Your presence in this most difficult moment in my life mean so much to me."
Asawa ni Mike Enriquez na si Lizabeth “Baby” Yumping-Enriquez, naging madamdamin sa kanyang mensahe ng pasasalamat sa mga nakiramay sa kanyang pagdadalamhati sa pagpanaw ng mister.
-- GMA Integrated News (@gmanews) September 3, 2023
Dinala na kanina ang labi ni Mike Enriquez sa Loyola Memorial Park sa Marikina para sa libing. pic.twitter.com/pHbAf1afq8
Bago tuluyan sa kanyang huling hantungan, dumaan muna ang mga labi ni Mike sa kanyang bahay sa White Plains, Quezon City, kung saan nakaabang sa kanya ang kanyang mga alagang aso na sina Booma at Mickey.
Habang bumabyahe ay pinapatugtog ang mga paboritong kanta ni Mike Enriquez na “Africa,” “Over The Rainbow,” at “You've Got A Friend.”
Sa Loyola Memorial Park, nagpakawala ng 71 na paroparo ang mga minamahal sa buhay ni Mike na sumisimbolo sa 71 na taong inilagi niya sa mundo.
Nagpakawala ng 71 na paruparo ang mga malalapit sa buhay ng namayapang broadcaster na si Mike Enriquez sa kanyang libing. Ang mga paruparo ay sumisimbolo raw sa mga taong inilagi ni Mike sa mundo. Panoorin ang video. pic.twitter.com/bZU8zZY5jR
-- GMA Integrated News (@gmanews) September 3, 2023
Pumanaw si Mike noong August 29, 2023.
Maraming salamat at paalam, Mike.
