
Ang Sparkle stars na sina Mikee Quintos at Allen Ansay ang bibida sa bagong episode ng weekend anthology series na Regal Studio Presents.
Gaganap sila bilang magkapatid na hindi magkasundo sa episode na pinamagatang "Hating Kapatid."
Si Mikee ay si Abigail habang si Allen naman ay si Jun. Nang sumakabilang-buhay ang kanilang tatay, malalaman nilang ipinamana sa kanila nito ang kaniyang furniture shop.
But wait, there's a catch! Para mapasakanila ang shop, kailangan muna nilang kumita ng kakahating milyong piso.
Mawawalan kaagad ng pag-asa si Jun at nais niyang ibenta ang shop. Tutol naman dito si Abigal dahil ito na lang ang natatanging alaala ng kanilang tatay.
Magkasundo kaya ang magkapatid? Ano ang mangyayari sa pamanang furniture shop ng kanilang ama?
SILIPIN ANG ILANG EKSENA NG EPISODE SA GALLERY NA ITO:
Abangan ang brand new episode na "Hating Kapatid," March 3, 4:15 p.m. sa Regal Studio Presents.
Naka-livestream din nang sabay ang episode sa GMANetwork.com/KapusoStream.