Around GMA

Article Inside Page

Kabilang si Mikee Quintos sa mga Sparkle artist na dumalo sa KaKoLAB 2022 na naganap sa Balara Content Studio sa Quezon City noong December 9.

Matatandaan na pang-apat si Mikee sa most viewed artists sa TikTok sa bansa ngayong 2022 at kabilang din sa Top 10 ng "Artists with Most New Followers" list ng TikTok Philippines.

Sa “Chika Minute” report ni Cata Tibayan sa 24 Oras, goal ng aktres na makapagbigay ng good vibes, pati na rin ang i-promote ang mental health at awareness online, lalo na sa kabataan.

“I hope 'yung mga taong nakakakita no'n, nase-spread ko 'yung positive vibes. Don't forget to have fun pa rin and appreciate, be contented, 'yung mga gano'ng feels. 'Yun 'yung gusto kong i-resonate sa mga nanonood,” ani Mikee.

PHOTO COURTESY: GMA News

Bukod dito, ibinahagi rin ng aktres na mayroon siyang bagong single na inihanda.

“Mayroon po akong song na lalabas soon with GMA Playlist. It's entitled 'Senyales.' So excited akong i-share 'yon,” kuwento niya.

Sa KaKoLAB 2022, nagkaroon ng oportunidad para mag-collaborate ang ilang Kapuso stars at influencers sa paggawa ng TikTok videos at matuto tungkol sa content creation.

Para kay Mikee, ang nasabing event ay naging pagkakataon din para makilala ang kapwa content creators para mas hikayatin pa ang pagiging creative ng bawat isa.

“We get the chance to meet each other, meet new friends, meet new fellow content creators to encourage each other's creativity even more. It's like adding gas to the flame of our creativity,” pagbabahagi niya sa panayam ng GMANetwork.com.

SAMANTALA, SILIPIN ANG SEXIEST SWIMSUIT PHOTOS NI MIKEE QUINTOS SA GALLERY NA ITO.