Miss Eco International PH Gabbi Carballo, litaw ang ganda sa sashing ceremony
Around GMA
Around GMA
Ombudsman says Senate refused to accept subpoena for CCTV footage of shooting Miss Eco International PH Gabbi Carballo stuns in red at sashing ceremony Public urged to conserve electricity as stable power supply yet to returnArticle Inside Page
Showbiz News
Nais sundan ni Gabbi Carballo ang kasalukuyang Miss Eco International Alexie Brooks at mag-uwi ng back-to-back win para sa bansa.
Umeeksena na agad si Miss Eco International Philippines Gabbi Carballo sa kompetisyon pagkatapos niyang maging sentro ng atensiyon sa Miss Eco International sashing ceremony.
Nag-upload ng ilang mga photo si Gabbi sa kanyang Instagram account kung saan suot niya ang isang pulang gown na gawa ng designer na si Philipp Tampus. Sa caption, ibinahagi ni Gabbi na sinabihan sila na magsuot ng pula o silver para sa Miss Eco International sashing ceremony, kung kaya naman ang pinili niya ay “the color from our flag.”
Nag-upload din ng Reel ang The Miss Philippines organization na nagpapakita kay Gabbi sa sashing ceremony. Nanawagan si Gabbi sa audience sa sashing ceremony na lumaban para sa kalikasan.
“One of my favorite quotes to live by is that there is wisdom in knowing that our days are numbered, and that's why I'm here, because I wanted to chase the dream of representing my country on the international stage. But, we tend to forget that the Earth's day are also numbered, and it's really important that we work together to fight for it,” sabi niya.
Kararating lamang ni Gabbi sa Alexandria, Egypt. Kaagad naman siyang nag-share ng mga photos niya sa Helnan Antoniades Palace Hotel sa Alexandria, Egypt, kung saan gaganapin ang Miss Eco International pageant.
Umalis si Gabbi papuntang Egypt nitong Martes, May 12, at ginanap ang kanyang send-off held sa Ninoy Aquino International Airport Terminal 3. Bago siya umalis, nanawagan ang The Miss Philippines organization sa mga Filipino pageant fans na bumoto para sa kanya, kasama ang step by step instructions kung paano gawin ito sa kanilang Instagram post.
Ayon sa The Miss Philippines, magtatagal ang online voting hanggang May 23, at makakatulong para makapasok sa top 10 si Gabbi at “show the world the strength, beauty, and heart of the Filipina.”
Bago ang pageant, abala si Gabbi sa pagtulong sa mga biktima ng Typhoon Tino. Noong nakaraang taon, inilunsad niya ang “Flood to Flourish: A Balamban Relief Initiative”. Lumikom ito ng mga cash donations para sa mga biktima ng Typhoon Tino sa Balamban, Cebu, at ginamit para sa relief goods na binili at binalot ng Rotaract Club of Cebu's Third District.
Kasalukuyang ginaganap ang 2026 Miss Eco International pageant sa Helnan Antoniades Palace Hotel sa Alexandria, Egypt. Sa caption ng kanilang Instagram post, sinabi ng Miss Eco International organization na ang 2026 pageant ay merong tema na “Show Your Country's Power” at ipagdiriwang ang “national pride, culture, and eco-solutions while inspiring global unity.”
Layon ni Gabbi na makakuha ng back-to-back win para sa bansa.
