Mister Cosmopolitan John Eriq Bonifacio, uuwi na ngayong araw
Around GMA
Around GMA
Harry Roque's asylum request denied, says DILG's Remulla Pickleball world No. 1 Anna Leigh Waters named global ambassador for local wellness brand Papa Dudut, taos-puso ang pasasalamat sa mataas na ratings ng pilot episode ng 'Barangay Love Stories'Article Inside Page
Showbiz News
Darating ngayong hapon sa Ninoy Aquino International Airport si Mister Cosmopolitan John Eriq Bonifacio.
May pagkakataon ang mga beauty pageant fans na salubungin ang pinakabagong titleholder ng bansa dahil pauwi na ngayon ang 2026 Mister Cosmopolitan, si John Eriq Bonifacio.
Nanggaling ang announcement mula sa official Instagram account ng Mister Pilipinas Worldwide organization, kung saan nag-upload ang organization ng isang graphic na nagsasabing pauwi ngayong araw, September 15, si John. Darating siya sa Ninoy Aquino International Airport (NAIA) Terminal 3 ngayong hapon, 2 p.m. Sa caption ng post, binigyang pugay ng organization ang historic achievement ni John bilang unang Mister Cosmopolitan ng bansa.
Napanalunan ni John Eriq Bonifacio ang Mister Cosmopolitan nitong weekend. Maliban sa korona, nanalo rin ng special awards si John para sa Best Catwalk at Best Physique. Pagkatapos manalo, siniguro ni John na magpasalamat sa kanyang Filipino fans at ialay ang panalo sa kanila.
Siniguro rin ni Miss Universe Philippines president and CEO Jonas Gaffud na ibida ang achievement ni John. Sa caption ng kanyang Instagram post, isinulat ni Jonas na nagbunga na ang hard work at dedication ni John.
Nanalong Mister Cosmopolitan Philippines si John sa Mister Pilipinas Worldwide finals night na ginanap noong May sa Bigger Pictures sa Mandaluyong City. Maliban kay John, ang iba pang nanalo noong gabing iyon ay sina Mister Pilipinas Supranational 2026 Felipe Marasigan, Mister Pilipinas Manhunt Supermodel 2026 JP Gundayao, Mister Pilipinas International 2026 John Wayne Alba, Mister Pilipinas Global 2026 MJ Ordillano, Mister Pilipinas Eco International 2026 Godfrey Murillo, Mister Pilipinas Worldwide 2026 Jason Lopez, at Mister Pilipinas 2026 Enzo Bonoan. Ang mga runners-up ay sila first runner-up Zach Russell, second runner-up Gian Guidicelli, at third runner-up Cas Villones.
RELATED GALLERY: Here are your 2026 Mister Pilipinas Worldwide winners
Naisalang na si Felipe Marasigan sa Mister Supranational pageant at nakaabot hanggang top 20. Samantala, ang kanyang Miss Supranational pair na si Katrina Llegado ay nanalo at naiuwi ang pangalawang Miss Supranational crown ng bansa.
Si John ang pinaka-latest na male beauty pageant winner na nanggaling sa bansa. Noong 2024, si Dom Corilla ang unang Pilipino na nanalo ng Mister Global. Namangha ang audience sa speech ni Dom tungkol sa bayanihan.
“The Philippine culture that I want to exercise globally is bayanihan, which means one with your country, one with your community, and in simple terms, love your neighbor. Because if you start loving your neighbor, imagine the world peace that we can achieve, the conflicts and wars that we can prevent. If we apply this culturally all around the world, we can really make a difference,” saad niya.
Noong 2025, si Kirk Bondad ay nanalo ng Mister International title, na nagtulak sa kanya na magpasalamat sa Instagram pagkatapos niyang manalo.
Sa caption ng post, sinabi ni Kirk na ang kanyang winning moment ay higit pa sa sarili niya at isang testament sa paniniwala, sipag, at ang kapanyarihan ng bansa na mag-bayanihan para sa isang pangarap. Inilista rin niya ang mga organization at indibidwal na tumulong sa kanya, mula sa Mister Pilipinas Worldwide organization, sa mga designers na si Francis Libiran at Patrick Isorena, at sa kanyang pamilya, mga kaibigan, at fans sa Pilipinas at sa buong mundo.
RELATED GALLERY: Kirk Bondad is all set to win the Mister International crown
