Mister Pilipinas Worldwide, nanawagan ng boto para kay Felipe Marasigan
Around GMA
Around GMA
Sara Duterte's defense team arrives in Senate VP Sara: Burden of proof lies on prosecution Country's flag carrier expands routes in the U.S. and CanadaArticle Inside Page
Showbiz News
Makakapasok si Felipe Marasigan sa Mister Supranational top 20 kung mananalo siya sa Supra Chat series.
May pagkakataon na naman ang mga Filipino fans at supporter ng male beauty pageants na ipakita ang kanilang voting power dahil isa na namang representative ng bansa ang nangangailangan ng boto nila para sa isang international competition.
Nanawagan ng boto para kay Mister Supranational Philippines Felipe Marasigan ang Mister Pilipinas Worldwide organization sa kanilang official Instagram account. Kasama sa caption ng post ang instructions kung paano bumoto para kay Felipe sa Supra Chat series. Makakapasok si Felipe sa Mister Supranational top 20 kung mananalo siya dito.
Isa si Felipe sa 11 winners na pinangalanan noong Mister Pilipinas Worldwide finals night na ginanap noong April 15 sa Bigger Pictures sa Mandaluyong City.
Ang iba pang mga nanalo ay sila Mister Pilipinas Manhunt Supermodel 2026 JP Gundayao, Mister Pilipinas International 2026 John Wayne Alba, Mister Pilipinas Global 2026 MJ Ordillano, Mister Pilipinas Eco International 2026 Godfrey Murillo, Mister Pilipinas Cosmopolitan 2026 John Bonifacio, Mister Pilipinas Worldwide 2026 Jason Lopez, at Mister Pilipinas 2026 Enzo Bonoan. Ang mga runner up naman ay sila first runner-up Zach Russell, second runner-up Gian Guidicelli, at third runner-up Cas Villones.
Ilang challenges din ang hinarap ng mga lalaki noong pageant, tulad ng summer photoshoot kasama ang local fashion brand na Bench, isang swimsuit photoshoot, isang fashion photoshoot, isang sports fashion photoshoot, at ang Glen magazine cover boy photoshoot.
Layunin ni Felipe na makakuha ng mas mataas na ranking kumpara sa mga nakaraang Mister Supranational representatives na sila Kenneth Cabungal, Brandon Espiritu, at Johannes Rissler. Fourth runner-up si Kenneth noong 2025 pageant, habang si Brandon naman ay second runner-up noong 2024 pageant. Si Johannes Rissler ay umabot sa top 20 noong 2023 pageant.
