Around GMA

Article Inside Page

Nagsalita na ang ina ni Eleila Santos, ang babaeng inakusahan ni Ellen Adarna bilang isang paparazzi. Diumano'y kinuhanan daw sila nito ng video ng kanyang boyfriend na si John Lloyd Cruz habang kumakain sa isang ramen restaurant sa Makati. 

Base sa special report ng SmartParenting.com, naniniwala si Myra Santos na inosente ang kanyang anak sa paratang ng sexy star.

Daing niya kay Ellen, "I know my daughter will never do what you are accusing her of doing. Kung hindi kita kilala, mas lalong hindi ka kilala ng anak ko, and I can't see any reason for her to take a video and photos of you. I didn’t bring her to one of the most reputable schools in the Philippines to be a liar. Those are not the values we taught our daughter."

Napapabalitang buntis o nanganak na si Ellen kaya nais ipatanto ni Myra sa kanya kung ano ang nararamdaman ng isang ina sa ganitong isyu.

"I heard from the comments that you are pregnant or have already given birth. Someday you will realize how I feel as a mother. You hurt me more than you hurt my daughter," bahagi niya sa email interview ng parenting site.

Dagdag pa niya, sana raw ay personal na hinarap ng sexy star ang kanyang anak imbes na patulan ito sa pamamagitan ng pagpost ng video nito online. "If you had any problem with my daughter, you should have told her directly or at least got my number and called me. I would take the responsibility since she is still [a] minor. I would not have tolerated what she did if it was wrong. But, on this issue, wala ako makitang mali sa ginawa ng anak ko. Her response showed that my daughter is innocent and sincere." 

Nauna nang itinanggi ni Eleila ang akusasyon ni Ellen sa Twitter at sinabing ang ramen ang intensyon niyang kuhanan ng video. Dagdag pa niya, ni hindi niya raw  kilala ang sexy star. 

Gumawa naman siya kaagad ng aksyon matapos niyang malaman na ipinost ni Ellen ang kanyang video sa Instagram Stories. "I took a chance to message her on Instagram about it. I also sent the video of what I took but got no response from her," kwento niya sa SmarParenting.com.

Ang panghihimasok raw ni Ellen sa kanilang privacy ang nagtulak sa kanya para i-post ang video na kuha niya sa restaurant na may katagang, "Sarap pa rin [ng] ramen! Although it’s just wrong to assume things."

sarap pa rin ramen! although it’s just wrong to assume things pic.twitter.com/kUR2gM1gVa

— Eleila (@Eleiluh) May 4, 2018

Nakatanggap man ng mga negatibong komento si Eleila online, mas marami pa rin daw ang naniniwala sa kanya. "We learned firsthand the power of social media through the support we got from those on Twitter and Facebook." 

Diin niya, "People should be more wary of what they post on social media, especially those with a large following since their posts influence public opinion. A person’s privacy should be respected at all times and posting pictures of someone without their consent should be avoided." 

Sa kabila nito, proud pa rin ang kanyang inang si Myra kung paano niya hinaharap ang kinasasangkutang isyu. 

"This incident made me realize how strong my daughter is. I felt sorry for her, but I’m proud of the way she answered the comments that she was getting on social media."

Nananatiling bukas ang GMANetwork.com sa kampo ni Ellen Adarna sakaling nais magsalita muli ang aktres ng kanyang saloobin tungkol sa isyu.