Mosang, na-challenge na gumawa ng drama project after 'Pepito Manaloto'
Around GMA
Around GMA
HPG officer relieved after mauling patrolman Ika-169 nga kaadlawan sang Ilonggo nga baganihan nga si Graciano Lopez Jaena, ginakomemorar Maluhong ina, TINITIPID ang anak at asawang may sakit! | Barangay Love StoriesArticle Inside Page
Showbiz News
Abangan si Mosang bilang 'Nay Cora sa mini-drama series na 'Stories From The Heart: Never Say Goodbye' simula October 18.
Minahal ng mga Kapuso si Mosang sa karakter niya bilang kasambahay na si Baby sa Pepito Manaloto, pero this time mapapanood naman natin siya sa isang drama project simula October 18.
Kabilang ang Kapuso comedienne sa star-studded cast ng Stories From The Heart: Never Say Goodbye na pinagbibidahan nina Klea Pineda, Jak Roberto at Lauren Young.
Kahapon (October 11), nakapanayam ng GMANetwork.com si Mosang sa grand media conference ng show at dito umamin siya na may adjustments siyang kinailangang gawin bago sumabak sa isang soap.
Paliwanag niya, “Medyo nahirapan ako kahit papaano, pero confident ako because the role they gave me is mas malapit sa akin.
“Tapos ang huhusay ng mga kasama mo.”
Tinutukan din niya ang pag-aaral sa karakter niya bilang 'Nay Cora at thankful siya sa Kapuso Network na binigyan siya ng pagkakataon kahit isa siyang comedian na maging parte ng isang drama mini-series.
Aniya, “Parang kailangan mo mag-aral. Kailangan mo maintindihan 'yung character mo 'tsaka character ng kasama mo. Nacha-challenge ako, 'tsaka thankful ako because I was given the chance to do drama, so that people can see na kaming mga nasa comedy side can do ibang genre.
“Sobrang happy ako, as you can see ang sasaya namin. I feel young with them nakakabata ang mga batang ito, kaya natutuwa ako. Sobrang thankful, I hope ma-appreciate [ng viewers],” dagdag ni Mosang.
Tumatayo naman director ng Never Say Goodbye si Paul Sta. Ana at associate director naman si Pam Miras.
Binigyan-diin ni Direk Pam sa virtual media conference na tinutukan ng production team ng show na "world-class" ang final output ng kanilang project.
Wika niya, “And we really took pains to make it medyo world-class 'yung quality, we took pains to get the right lenses, the right lighting.
“The production design, hanggang sa music, to make it something na GMA can be proud of and sabi nga nila, Netflix-worthy.”
Pagpapatuloy nito, “Also, it's a story na sabi nga ng mga artista, na mabigat, because it's a story that deals with death and sickness. Pero despite that, it's also a story of love and hope."
Makakasama din sa Never Say Goodbye ang seasoned actress na si Snooky Serna, Max Eigenmann, Herlene “Sexy Hipon” Budol, Luke Conde, Kim Rodriguez, Shermaine Santiago at Phytos Ramirez.
May special participation din sina Joshua Zamora at Art Acuna.
Tutukan ang world premiere ng Stories From The Heart: Never Say Goodbye sa GMA Afternoon Prime simula sa Lunes sa oras na 3:25 p.m.
Related content:
