Around GMA

Most parts of PH to see cloudy skies, rain due to 3 weather systems
GMA Kapuso Foundation, naghatid ng tulong sa 8,000 nasalanta ng Bagyong Tino sa Dinagat Islands | 24 Oras
These hotel offerings are perfect for the holidays

Article Inside Page

Showbiz News

Isa si Kapuso actress Joyce Ching sa mga bagong sabak sa GMA Afternoon Prime show na 'Villa Quintana'. Kuwento ni Joyce, mula nang makasama siya sa show hanggang sa nalalapit na pagtatapos nito, mayroon daw tatlong cast members na tumatak sa kanya. Sino kaya sila?

Isa si Kapuso actress Joyce Ching sa mga bagong sabak sa GMA Afternoon Prime show na Villa Quintana. Pumasok ang character ni Joyce na si Crystal halos kasabay ng bagong characters nina Yvette (Diva Montelaba)at Linda (Katya Santos).

Nang bisitahin ng GMANetwork.com si Joyce sa taping ng Villa Quintana, naabutan namin siyang nag-e-enjoy dito. Aniya, masaya raw ka-trabaho ang co-stars niya sa show dahil kahit late na pumasok ang character niya sa istorya, naging maganda pa rin daw ang pakikisama nila.

“New working experience ulit kasi mostly sa stars ng Villa Quintana, hindi ko pa nakakatrabaho sa isang soap,” pahayag ni Joyce.

Kuwento ni Joyce, mula nang makasama siya sa show hanggang sa nalalapit na pagtatapos nito, mayroon daw tatlong cast members na tumatak sa kanya.

1. Elmo Magalona

Ang character ni Elmo na si Isagani ang dahilan kung bakit sumulpot ang character ni Joyce na si Crystal. Naging love interest kasi ni Crystal si Isagani ngunit hindi naman siya gusto nito dahil si Lynette (Janine Gutierrez) pa rin ang nilalaman ng puso niya.

Ani Joyce, minsan niya nang nakatrabaho si Elmo. “Opo si Mo po kasi nakatrabaho ko lang siya sa Party Pilipinas dati tapos sa Tween Academy na ilang shooting days lang naman tapos laging hindi sabay-sabay nagsu-shoot,” aniya.

Dagdag pa niya, hindi niya raw malilimutan si Elmo dahil sa sobrang seryoso ng scenes nila together. “Ngayon ko pa lang siya nakatrabaho nang seryosohan ang acting, seryosong roles,” saad ni Joyce.

2. Maricar de Mesa

Sa lahat ng cast members ng Villa Quintana, inamin ni Joyce na sa veteran kontrabida na si Maricar siya pinaka natatakot.

Nagsimula raw siyang matakot kay Maricar mula nang ikuwento niya na fan siya ng original na Sana Ay Ikaw Na Nga. “Natatakot ako sa kanya offcam. (laughs) Lalo na po noong sinabi ko sa kanya na sobrang tumatak siya sa 'kin bilang si Olga, ‘di ba siya 'yung original na Olga,” aniya

Dagdag pa niya, “Lalo siyang parang nag-ti-trip na, O, ano! 'Yung ganoon. Pero hindi ko pa po siya nakaka-eksena eh.”

3. Paolo Contis

Nakasama na ni Joyce si Paolo sa comedy gag show na Bubble Gang. Pero nang makatrabaho niya na raw ito sa isang teleserye, nanibago raw siya sa galing nito sa acting.

“Noong sinabi na papasok ako, si Kuya Pao talaga 'yung sobrang na-excite akong maka-eksena kasi kasama ko siya sa Bubble Gang. Sa Bubble Gang sobrang loko-loko si Kuya Pao,” kuwento niya.

Ani Joyce, napabilib daw siya ni Paolo sa pagiging seryoso niya kahit na sobrang kulit niya offcam. Saad niya, ”Kapag take, parang hindi ako sanay. Parang hindi ako naniniwala. Kasi sobra siyang loko-loko talaga kapag hindi pa take pero kapag sinabing action, parang ay! Nasaan na? Kanina tawa-tawa lang tayo rito.”

Patuloy na subaybayan si Joyce Ching sa huling dalawang linggo ng Villa Quintana, weekdays after Eat Bulaga on GMA Afternoon Prime.

- Text by Al Kendrick Noguera, Photo by Bochic Estrada, GMANetwork.com