Mr. World Philippines delegates, haharapin ang sports challenge bukas
Around GMA
Around GMA
Mike Defensor on flood control project anomalies | GMA News P77M alleged smuggled cigarettes seized in Lanao del SurArticle Inside Page
Showbiz News
Ang sports challenge ay isa sa mga fast track challenges na makakatulong sa delegado na makapasok sa semifinals ng Mr. World Philippines.
Pupunta ng Batangas bukas ang mga delegado ng 2026 Mr. World Philippines upang harapin ang sports challenge, ang unang fast track challenge ng Mr. World Philippines pageant.
Ayon sa isang post sa Instagram account ng Mr. World Philippines, ang 2026 sports challenge ay gaganapin sa Edades Farm sa Taysan, Batangas bukas, June 17. Pamumunuan ng Spartan Philippines ang challenge na diumano ay “designed to push every contender beyond their limits.”
Ayon sa organization, ang sports challenge ay nagha-highlight sa “core values of sportsmanship, resilience, and the unwavering drive to succeed.”
RELATED GALLERY: Mr. World Philippines reveals first batch of contestants
Una nang in-announce ng Mr. World Philippines organization noon April ang mga fast track challenges na kakaharapin ng mga delegado.
Maliban sa sports challenge, kasama rin sa mga main fast track challenges ang beach wear challenge, ang talent competition, ang top model challenge, ang multimedia challenge, ang head-to-head challenge, at ang Beauty with a Purpose challenge. Binigyang-diin din ng organization ang Beauty with a Purpose challenge. Ayon sa kanila, ito ang pinakaimportanteng challenge dahil sa pag-highlight nito sa advocacy work, charity projects, at social impact.
Gaganapin ang finals night ng Mr. World Philippines sa Linggo, June 21 sa Newport Performing Arts Theater.
Ang kasalukuyang Mr. World Philippines, Kirk Bondad, ay nagtapos sa Top 12 ng Mr. World Top Model competition. Pinuri rin si Kirk ng Mr. World Philippines dahil sa pagbida niya sa gawang Pinoy at pagsuot ng suit na gawa ng designer na si Francis Libiran.
Si Andrew Wolff ang pinakamalayo ang naabot sa Mr. World pageant. Noong 2012 ay naging first runner-up siya kay Mr. Colombia Francisco Javier Escobar Parra.
Si Kirk naman ay napanalunan ang Mister International pageant, isang panalo na inilarawan niya ay higit pa sa sarili niya.
RELATED GALLERY: Kirk Bondad is all set to win the Mister International crown
