Around GMA

Article Inside Page

Congratulations sa "Anaconda ng New York" na si Betsy (Kazel Kinouchi)!

Sumabog ang galit ng karakter ni Kazel Kinouchi na si Betsy sa GMA Afternoon Prime series na My Father's Wife nang malaman nito na magkaka-baby ang boyfriend niya na si Gerald (Jak Roberto) at best friend niya na si Gina (Kylie Padilla).

Sa episode na ipinalabas noong July 9, nanggagalaiti sa galit si Betsy nang malaman niya ang katotohanan at hindi nito napigilan na saktan at sabunutan si Gina. Nakatikim din ng sampal si Gerald sa pagkadismaya nito.

May mahigit 2.7 million views na sa Facebook at over 900,000 views naman sa TikTok ang intense scene na ito sa My Father's Wife in less than 24 hours.

Eksklusibong nagkuwento sa GMANetwork.com ang isa sa bida ng serye na si Jak Roberto at ni-reveal niya na bago raw kuhanan ang eksena ay sinabihan niya si Kazel na totohanin ang sampal ng aktres sa kaniya.

“Ang sabi ko sa kaniya totohanin niya e,” sabi ni Jak sa GMANetwork.com.

Pagpapatuloy pa ng Kapuso hunk, “Kailangan maramdaman ko talaga na lumapat talaga sa mukha ko, kasi deserve naman nung character ko 'yun.

“So, para talagang manggigil 'yung character niya, which is parang normal na reaksyon ng isang babae 'yun once na na-betray siya or 'di ba may nangyaring ganun. Actually, makatotohanan kasi lahat nung eksena rin namin, e. So, parang ang bilis lang din i-internalize, ang bilis lang din gawin.”

Marami ring humanga na netizens sa husay nina Kylie Padilla at Kazel Kinouchi sa naturang scene na ito sa My Father's Wife.

Source: GMA Network and GMA Drama social media pages

Papahuli ka ba sa latest viral moments ng My Father's Wife?

Nood na Lunes hanggang Sabado, pagkatapos ng It's Showtime sa oras na 2:30 p.m. sa GMA Afternoon Prime!

RELATED CONTENT: Exclusive Look: Behind-the-scenes of 'My Father's Wife'