Around GMA

Article Inside Page

Sa pagpapatuloy ng Thai romantic drama series na My Husband in Law, isang sikreto ang mabubunyag tungkol sa tunay na dahilan ng paglayo ni Moi (Mew Nittha Jirayungyurn) kay Tien (Mark Prin Suparat).

Isang araw, habang papunta si Tien sa trabaho, nakita niyang nakasakay sa bus si Moi.

Ngunit dahil buo ang paniniwala niyang nasa ibang bansa si Moi upang magtrabaho ipinagsawalang bahala niya na lamang ang kanyang nakita.

Kasunod nito, sa isang hindi inaasahang pagkakataon, muli ni Tien si Moi.

Dahil labis na naguguluhan sa mga nangyayari, sinundan ni Tien si Moi hanggang sa bahay na tinutuluyan nito.

Makalipas ang ilang minuto, agad na pinuntahan ni Tien si Moi at dali-dali itong dinala sa ospital matapos makitang nawalan ito ng malay.

Sa mga oras na iyon, hindi mapakali si Tien nang malaman niyang nagdadalang tao pala si Moi kaya pinili nitong lumayo sa kanya.

Moi is pregnant!

Ano kaya ang buhay na nakatakda para sa dalawang taong nagsimula sa isang magulong sitwasyon?

Papayag kaya si Moi na muli niyang makasama si Tien?

Huwag palampasin ang mas kapana-panabik na mga tagpo sa 'My Husband in Law,' Lunes hanggang Huwebes, 10:20 p.m. sa GMA Telebabad.

Samantala, kilalanin ang Thai stars na napanood sa iba't ibang television series na inihandog ng Heart of Asia sa gallery na ito: