Around GMA

Article Inside Page

Sa huling linggo ng My Shy Boss, nagpasalamat si Joaqui (Yeon Woo-jin) kay Wendel (Yoon Park) dahil naging bahagi ito kung bakit malayo ang kanyang narating bilang CEO.

Sa muling paghaharap nina Joaqui at ng ama ni Rory (Park Hye-soo), nagpasalamat ang huli sa una dahil sinabi nito ang katotohanan tungkol sa namayapa niyang panganay na si Jackie.

Matapos ihatid si Rory sa kanyang bahay, isang lalaking reporter ang kumausap kay Joaqui at sinabing siya ang taong pinaka-nakasakit kay Jackie dahil hindi niya ito binigyan ng pansin kahit isang beses.

Inilahad ito lahat ni Joaqui kay Rory at binigay ng huli ang ginawang drawing ng kanyang nakatatandang kapatid sa una bago umalis ng opisina.

Nang magpunta si Joaqui sa tahanan ni Rory, sinabi ng ama ng huli na isasara na niya ang barbershop dahil tumaas ang bayad ng kanyang renta. Tinulungan naman nina Joaqui at ng Silent Monster team na i-promote ang negosyo ng ama ni Rory.

Samantala, naglabas naman ang lalaking reporter ng balita tungkol sa iba't ibang isyu ng Silent Monster kung kaya't bumaba si Joaqui sa kanyang posisyon sa kumpanya.

Nabangga naman si Joaqui ng isang kotse habang siya'y nagmamaneho at biglang lumabas si Rory sa kanyang sasakyan. Sa pag-uusap ng dalawa, sinabi ni Rory na kahit ano'ng pagdidistansya ang kanyang gawin ay tila hindi pa rin niya magawang lumayo kay Joaqui.

Sa huli, muling bumalik si Joaqui sa kumpanya at nagkaroon pa ng sports day, kung saan naglaro ang kanyang team at mga empleyado ng Brain PR.

Habang nasa gitna ng ulan, isinigaw naman ni Joaqui sa harap ng maraming tao na mahal niya si Rory at kitang-kita sa kanilang mga mata ang pagmamahal sa isa't isa.