Around GMA

Article Inside Page

Sa nalalapit na pagtatapos ng Korean romantic-comedy series na My Shy Boss, malalaman na kung ano ang kahihinatnan ng love story nina Joaqui (Yeon Woo-jin) at Rory (Park Hye-soo) matapos ang kanilang mga pinagdaanan.

Noong nakaraang linggo, matatandaan na inamin na ni Wendel (Yoon Park) ang lihim na matagal na niyang itinatago sa pamilya nina Joaqui at Iza- na siya ang totoong dahilan kung bakit namatay ang kanilang secretary na si Jackie, ang nakatatandang kapatid ni Rory, tatlong taon na ang nakakaraan.

Aksidente naman na narinig ni Rory ang pag-amin ni Wendel at sinabi nito sa una na labis niyang pinagsisisihan ang kanyang pagkakamali noon. Matapos ito, inamin na rin ni Wendel ang katotohanan sa ama ni Rory.

Sa pag-uusap nina Joaqui at Rory, humingi rin ng tawad ang una sa huli dahil sa mga pagkakamali niya noon kay Jackie. Ibinalik naman ni Joaqui kay Rory ang itim na pares ng sapatos ni Jackie, na ibinigay niya noon sa huli bilang regalo.

Matapos malaman ang mga matitinding rebelasyon, tuluyan pa rin kayang mabuo ang pagmamahalan nina Joaqui at Rory?

Huwag palampasin ang huling linggo ng My Shy Boss, 9:00 a.m., sa GMA.