Mylene Dizon, bakit walang balak pamanahan ang mga anak?
Around GMA
Around GMA
Multiple injuries at Sydney’s Bondi Beach after shooting, 2 in custody Nadine Samonte undergoes geneplant cancer screen test Duterte calls plunder, graft raps a 'fishing expedition'Article Inside Page
Showbiz News
Nanindigan din si Mylene Dizon na hindi niya pamamanahan ng solid properties ang dalawa niyang anak Tomas at Lucas.
Aminado si Mylene Dizon na disciplinarian siya pagdating sa kanyang dalawang anak na sina Tomas at Lucas.
Sinabi niya sa panayam sa kanya ni Bernadette Sembrano sa YouTube channel nito, "Kailangan e because I'm a single mom and I have to do both jobs, and I'm a mother of boys."
Paliwanag ni Mylene, gusto niyang turuan ang kanyang mga anak na maging disenteng lalaki.
"I've dated many men, 'di naman gano'n kadami, but I've dated men and I know of some men who don't know anything about life or don't know how to navigate your life because they were too spoiled. So I don't want my children to end up that way kaya ako disciplinarian kasi I want them to be maayos bago ko sila pakawalan."
Patuloy pa niya, "'Pag pinakawalan ko sila, gusto ko lahat ng tinuturo ko sa kanila e nandiyan pa rin. Naririnig nila ako."
Nanindigan din si Mylene na hindi niya pamamanahan ng solid properties sina Tomas at Lucas, na mga anak niya sa dati niyang partner na si Paolo Paraiso. Diin niya, "I want to make it on their own."
Bagkus, ang tanging maipapamana niya sa kanyang dalawang supling ay ang edukasyon.
Sabi niya, "That's the only thing I can give. Sige, I give them five million. What are they going to do with that if they don't know what to do with it, to manage it, or how to handle it? 'Yun lang kaya kong ibigay literally."
Maging ang beach house ng aktres sa La Union ay hindi rin mapupunta sa kanyang mga anak para matuto ang mga ito na gumawa ng sarili nilang swerte.
Katwiran ni Mylene, "Ano matututunan nila diyan? They will just run it through the ground if they don't have proper education. Lahat inaral ko--mag-welding, magkarpintero, magpinta--lahat 'yan inaral ko kasi baka ako na lang mag-isa dito, ako na lang gumawa n'yan. I don't know."
"I keep on equipping myself with tools. I keep putting things in my toolbox and that I'm not going to pass that toolbox to my kids. I'm just going to guide them and let them learn on their own so they can fill their own toolboxes."
Samantala, hindi na naghahangad si Mylene ng kahit ano pang bagay dahil, aniya, kuntento na siya sa kung ano ang meron siya ngayon.
"I don't want anything else. I'm able to provide. I'm able to give my children education my money can buy. Ano pa ang hihingin mo? Kahit ilang Chanel pa 'yan, no. Do'n ako sa education nila."
Related gallery: 15 Celebrity-owned Resorts and Beach Houses
