Around GMA

Article Inside Page

Kahit mahigit kalahating taon na ang kalye-serye ay marami pa raw dapat abangan at tutukan dito ayon kay Joey de Leon.

By CHERRY SUN
 

 

A photo posted by Joey de Leon (@angpoetnyo) on

Aug 26, 2015 at 7:00pm PDT

Mula sa mabuting pagtitinginan nina Alden Richards at Yaya Dub hanggang sa nakaraan ni Lola Nidora ay masasabing mahaba na nga ang itinakbo ng kalye-serye ng Eat Bulaga. At kahit mahigit kalahating taon na ang kuwento ay marami pa raw dapat abangan at tutukan dito ayon kay Joey de Leon.

“Buhay pa lang ni Anselmo at saka ni Nidora ang nangyayari. Masaya pa ‘yan. Ang nakakatawa ‘yung buhay ni Tinidora 'tsaka ni Tidora. So, abangan pa nila. Nakakatuwa ‘yung mga flashback eh, black and white eh,” ani Joey sa eksklusibong panayam ng GMANetwork.com.

“Napakarami pa [dapat i-expect], oo madami. 'Tsaka sino ‘yung gaganap na papel nila nung bata sila. ‘Yun ang maganda,” dagdag ng Henyo Master.

Bahagi raw si Joey sa mga utak sa likod ng kalye-serye ngunit hindi raw ito dagdag trabaho para sa kanya.

“Parang laro-laro lang pero nagtatawanan kami habang pinag-uusapan namin kung ano'ng posibleng puwedeng mga mangyari,” sambit niya.

Bahagi rin ni Joey na kahit bahagi siya ng mga nag-iisip ng kuwento sa kalye-serye ay hindi at ayaw niyang malaman ang lahat ng mga mangyayari.

Wika ng dabarkad, “'Pag hindi kami ang gumawa, ayaw naming sinasabi sa amin ang mangyayari kasi para na-e-enjoy namin. Parang laging first day ang feeling namin 'pag ganun. Mas enjoy ‘yung hindi namin alam.”

“Ina-accummulate namin lahat ng ideas tapos binibigyan namin ng hindi naman schedule... kung kailan bagay, doon pawawalan. Mabibigla kami, ‘Ayy, eto na ba ‘yung ganun? Ayy, eto na ba ‘yung ganyan?’” patuloy niya.

LOOK: Meet Yaya Mot in 'Eat Bulaga's' kalye-serye!