Nancy Castiglione, may gustong ipasa na leksyon sa mga anak
Around GMA
Around GMA
DOTr orders probe into alleged payola in LTO 'Wilma' weakens into LPA near Cataingan, Masbate XG's Cocona undergoes top surgery, comes out as AFAB transmasculine non-binaryArticle Inside Page
Showbiz News
Isang leksyon mula sa pagiging artista ang gustong ipasa ni Nancy Castiglione sa mga anak. Alamin dito.
Sa 10 taon ni Nancy Castiglione sa show business ay marami na siyang natutunang leksyon sa buhay. Sa katunayan, isa sa mga leksyon na ito ay gusto niyang ipasa sa kaniyang tatlong anak.
Sa Fast Talk with Boy Abunda nitong Martes, November 4, binalikan ni Nancy ang panahon niya bilang host ng reality talent competition na StarStruck. Kwento ng dating aktres at TV host, hindi niya napipigilan ang emosyon niya tuwing may natatanggal mula sa kompetisyon at sinabing nadadala siya sa mga pangyayari.
“Kasi pangarap nila 'yan, e, and they really worked hard, they really worked hard, like madugo 'yung sched namin before, everyone's actually, and I really saw actually all of them, na they really gave a hundred percent, they really tried,” sabi ni Nancy.
Kaya naman, ang ginagawa ni Nancy ay nagkakaroon siya ng follow up conversation sa mga natatanggal, at pinapaalalahanan na huwag sukuan ang kanilang pangarap.
“For me, may follow-up conversation ako lagi na 'I saw, you gave your best. Don't ever give up.' Actually, that's something I wanna pass down to my children, also is take risks. That's what I learned, actually, sa career ko sa showbiz,” sabi ng dating aktres.
“So I would let the contestants know that, I always had a conversation after, and I really hope na the genuine feelings I had came across and I think that's the best you can do, just let them know, 'Don't give up, this is just a moment in time, this is part of your story, kasama 'to sa story mo,'” sabi ni Nancy.
TINGNAN ANG NAGING BUHAY NI NANCY MATAPOS LISANIN ANG SHOW BUSINESS SA GALLERY NA ITO:
Aminado si Nancy na noong nagsisimula siya ay takot siyang tanggapin ang mga oportunidad na lumalapit sa kaniya, lalo na at hindi siya diretsong magtagalog. Ngunit dahil sa pakikipagsapalaran niya ay may maganda siyang nakukuha.
Hiningan din siya ni King of Talk Boy Abunda ng reaksyon sakaling magsabi ang isa sa kaniyang mga anak na gusto nilang pumasok sa show business.
Ani Nancy, “I'd be a hundred percent supportive. Actually, Riley's dream, she wants to go into acting so ngayon, nag-aaral siya, she's been participating sa mga school plays, and she's also in extracurriculars.”
