Boboy Garrovillo and Jim Paredes on Apo Hiking Society's longevity in the music industry: 'It's the songs that are living on'
Around GMA
Around GMA
Pope Leo, on Christmas Eve, says denying help to poor is rejecting God Bagong steel hanging bridge, handog ng GMA Kapuso Foundation sa Rodriguez, Rizal | 24 Oras Hospitals activate Code White on Christmas EveArticle Inside Page
Showbiz News
Ayon kay Boboy Garrovillo at Jim Paredes, walang sikreto tungkol sa mahabang takbo ng kanilang karera sa musika dahil para sa kanila ay “the music will let you live on.”
Masayang nakapanayam ng ilang miyembro ng press ang Apo Hiking Society members na sina Boboy Garrovillo at Jim Paredes sa naganap na press conference kamakailan para sa isang upcoming concert bilang paggunita ng kanilang 50th anniversary.
Sa panayam ng GMANetwork.com, ibinahagi ni Jim na mas naging confident at creative ang kanilang grupo ngayong umabot na sila ng limang dekada.
“In all honesty, 50 years is just a number. I think on stage, I feel much more confident with our material now and I think we're even more creative,” bahagi niya.
Dagdag pa niya, “Confident kasi creative pa rin and you're still trying out new stuff with the audience, and still writing new songs, and everything. Usually kapag ganyan, parang you just bring back old memories. We do bring back old memories, but we create new ones as well. So gano'n ang feeling.”
Para kina Boboy at Jim, walang sikreto sa matagal na pagtakbo ng kanilang karera bilang mga mang-aawit dahil ayon sa kanila “the music will let you live on.”
“There's no secret, the music will let you live on. You'll just try to do the music. If it's good, people will listen to it, you will live on. Longevity is connecting to the people,” ani Boboy.
Dagdag naman ni Jim, “Parang if you write the music of the soundtrack of their lives, siyempre kasali ka sa buhay nila hanggang tumanda.
“Kapag nag-graduate ka, 'Saan Na Nga Ba Ang Barkada.' Kapag barkada, 'Awit ng Barkada.'”
Patuloy ni Boboy, “Kung nalulungkot ka overseas, 'Kaibigan.' Bagong panganak, 'Batang-bata [Ka Pa.]' If you look at all [of] our songs together, if you ask for our longevity, it's the songs that are living on and we're just happy to be alive to see it.”
Mayroon ding ilang tips sina Boboy at Jim para sa aspiring singers at music groups na nagsisimula pa lamang.
“Show up, get as many gigs as you can, learn as much as possible, have a thick face to face disappointment,” ani Jim.
Ayon naman kay Boboy, kailangan din ng tapang sa pagiging orihinal sa paggawa ng musika at importante rin ang pag-aaral upang mas mahasa ang talento sa musika.
Ang concert ng Apo Hiking Society na pinamagatang “Apo Hiking Society 50 years, The Concert” ay gaganapin sa July 15 at July 16 sa Hyundai Hall, Arete, ng Ateneo De Manila University.
