'Black Rider,' full action series na pagbibidahan ni Ruru Madrid
Around GMA
Around GMA
1 patay at 1 pa ang sugatan sa ambush sa Maguindanao del Sur Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Bukod kay Ruru Madrid, kilalanin ang iba pang mga artistang kabilang sa full action series na 'Black Rider.'
Magbabalik si Kapuso Action-Drama Prince Ruru Madrid sa Philippine primetime sa upcoming GMA Public Affairs full action series na Black Rider.
Gaganap si Ruru dito bilang Elias, isang motorcycle delivery rider na magiging bayani ng lansangan at haharap sa sindikatong Golden Scorpion.
Makakasama ni Ruru sa serye si Matteo Guidicelli, na unang acting project sa Kapuso network ang Black Rider.
Bukod sa kanila, bahagi rin ng serye ang mga mahuhusay na aktor na sina Katrina Halili, Raymond Bagatsing, Gary Estrada, Rio Locsin, Aleck Bovick, Almira Muhlach, Gladys Reyes, Raymart Santiago, Zoren Legaspi, Rainier Castillo, at Vance Larena.
Bahagi rin ng Black Rider ang Sparkle Stars na sina Ashley Sarmiento, Dustin Yu, Joaquin Manansala, Jon Lucas, Kim Perez, Marco Masa, Prince Clemente, Saviour Ramos, at Luis Hontiveros.
Mapapanood din sa serye ang drag performer na si Turing, mga komedyanteng sina Empoy, Janus del Prado at Jayson Gainza, pati na ang social media stars na sina Pipay, Tito Vince, Whamos Cruz, at Salome Salvi.
Ang Black Rider ay mula sa konsepto ni Erwin Caezar Bravo na siya ring utak sa likod ng hit romantic fantasy series na The Lost Recipe.
Si Monti Parungao naman ang masisilbing direktor ng serye, habang ang kilalang stunt coordinator na si Erwin Tagle ang nasa likod ng choreography ng mga kaabang-abang na maaksiyong eksena nito.
Abangan ang GMA Public Affairs full action series na Black Rider, soon on GMA Telebabad.
SILIPIN ANG CAST REVEAL NG BLACK RIDER NA PAGBIBIDAHAN NI RURU MADRID SA EXCLUSIVE GALLERY NA ITO:
