Khalil Ramos at Ashley Ortega, masaya ang karanasan sa paggawa ng kanilang upcoming movie na 'As If It's True'
Around GMA
Around GMA
Spain probes whether swine fever outbreak was caused by lab leak Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Kumusta kaya ang karanasan nina Sparkle stars Khalil Ramos at Ashley Ortega na makatrabaho ang isa't isa sa nalalapit nilang Cinemalaya film na 'As If It's True?'
Pagbibidahan nina Kapuso stars Khalil Ramos at Ashley Ortega ang upcoming film na As If It's True, na official entry para sa Cinemalaya Film Festival ngayong taon.
Ang naturang pelikula ay idinirehe ni John Rogers at ang The Idea First Company ang nag-produce nito.
Nagkaroon ng press conference ang Cinemalaya ngayong Miyerkules (July 5) sa Philippine International Convention Center (PICC), kung saan dumalo ang filmmakers, actors, at board members ng Cinemalaya.
Sa panayam ng GMANetwork.com kina Khalil at Ashley sa sidelines ng nasabing event, ibinahagi ng dalawang Kapuso artists na masaya ang kanilang karanasan na makatrabaho ang isa't isa sa kanilang nalalapit na pelikula.
Kuwento ni Ashley, “Masaya. Actually, it's my first time to work with Khalil and first time ko lang din gumawa ng movie sa Cinemalaya. It's an unforgettable experience as an actress kasi matagal ko na rin po talaga gustong gumawa ng Cinemalaya movie and now nabigyan kami ng opportunity na mag-lead sa movie na 'to.”
Ayon pa sa former Hearts On Ice star, challenging at nakaramdam din siya ng pressure dahil ang kanyang role sa pelikula ay mas mature at mas intimate.
Patuloy niya, “I'm super excited na mapanood ng mga tao 'yung pinaghirapan namin.”
Para naman kay Khalil, masaya siya na muling nakagawa ng pelikula.
Aniya, “Alam niyo naman na 'yung Cinemalaya is really the festival, kung saan lahat ng mga directors at storytellers ay nagde-debut ng kanilang mga kuwento. And just like Direk John, this is his baby and we're just very happy to be part of it and this story. Ang saya lang kasi sobrang collaborative ng buong team.”
Masaya rin ang actor-singer na si Ashley ang kanyang naging kapares sa pelikulang ito.
“I'm very much happy na si Ash 'yung naka-partner ko rito, she's very game sa lahat ng mga ginawa naming eksena, walang awkwardness. We just really let the story flow through the entire shoot. We're so happy to be here and we're excited for everyone to see it,” saad niya.
Puspusan din ang paghahanda nina Khalil at Ashley para sa kanilang roles sa As If It's True na sina James at Gemma. Kabilang sa paghahanda ng Sparkle artists ay ang pagsabak sa workshop at pakikisama sa kanilang co-stars sa set.
Ani Khalil, “We had to learn, learn, and learn the story, the material. There [were] workshops that we did, two-day workshop siya. May isang workshop din na for our intimate scenes, script reading, at saka 'yung intimacy exercises, which helped a lot kasi kailangan talaga. Ako naniniwala ako na lahat ng project dapat mayroong work before the shoot.”
Dagdag pa ni Ashley, “Before kami mag-start ng shoot, nakasama namin lahat ng mga co-actors, ng production to build relationship with each other para pagdating sa set, komportable na kami sa isa't isa.”
SAMANTALA, SILIPIN ANG SNEAK PEEK SA PELIKULA NINA KHALIL RAMOS AT ASHLEY ORTEGA NA AS IF IT'S TRUE SA GALLERY NA ITO.
