'Stolen Life' nina Carla Abellana, Beauty Gonzalez, at Gabby Concepcion, magsisimula na sa November
Around GMA
Around GMA
Signal No. 1 up over 27 areas as Wilma threatens to make landfall over Eastern Visayas Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Narito ang pasilip sa seryeng pagbibidahan nina Carla Abellana, Beauty Gonzalez, at Gabby Concepcion na 'Stolen Life.'
Ipinasilip na ang inaabangang serye na pagbibidahan ng mga hinahangaang Kapuso stars na sina Carla Abellana, Beauty Gonzalez, at Gabby Concepcion.
Ang Stolen Life ay ang GMA Afternoon Prime drama tungkol sa isang babaeng "mananakawan" ng buhay dahil sa astral projection.
Saad sa teaser na ipinalabas ngayong September 19, "kilala mo ba ang taong nasa harap mo?"
Mapapanood si Carla bilang si Lucy, ang babaeng mapapangasawa ng mayaman at mapagmahal na si Darius na gagampanan naman ni Gabby. Samantala, si Beauty ay mapapanood bilang Farrah, ang babaeng nagnanais na makamit ang buhay ng kanyang pinsang si Lucy.
Makakasama nina Carla, Beauty at Gabby sa Stolen Life sina Celia Rodriguez bilang Azon Rigor, Divine Aucina bilang Joyce, Anjo Damiles bilang Vince, Lovely Rivero bilang Belen, at William Lorenzo bilang Ernesto.
Ang Stolen Life ay magsisimula na ngayong November 2023 sa GMA Afternoon Prime at sasailalim sa direksyon ni Jerry Sineneng.
