Around GMA

Article Inside Page

Star-studded ang grand premiere night ng Five Breakups and a Romance na idinaos sa SM Megamall kagabi, October 17. Mahigit 100 celebrities ang nagpakita ng suporta sa pelikulang pinagbibidahan nina Asia's Multimedia Star Alden Richards at versatile actress Julia Montes.

Dumalo ang ilan sa mga executives ng Kapuso Network sa malaking pagtitipon na ito tulad nina GMA-7 Senior Vice President for Programming, Talent Management, Worldwide and Support Group, and President and CEO of GMA Films Atty. Annette Gozon-Valdes.

Present din sa premiere night sina Sparkle GMA Artist Center Vice President Joy Marcelo, Senior Vice President for Integrated News, Regional TV, and Synergy Oliver Victor B. Amoroso, at Senior Vice President for GMA Pictures & First Vice President for Public Affairs Nessa Valdellon.

Ilang Kapuso stars din ang spotted tulad nina Primetime Action Hero Ruru Madrid, Bianca Umali, Gina Alajar, Kristoffer Martin, Jo Berry, at Rodjun Cruz.

Sa panayam ng direktor ng pelikula na si Irene Villamor, umamin ito na may kaba siyang nararamdaman.

Aniya sa 24 Oras, “Kabado po, Miss Aubrey. Sobrang kabado pero sobrang saya rin na mapapanood na ng mga tao 'tong pinaghirapan namin.”

Ayon naman kay Julia, hangad niya na ang lahat ng dumalo ay ma-enjoy ang pelikula na pinaghirapang mabuo ng kanilang team.

“Super happy siyempre, mapapanood na nung few friends naming na-invite. Hopefully, lahat ng makakapanood bukas, ma-enjoy din gaya ng pag-enjoy namin sa panonood tonight.”

Ramdam naman sa chikahan ni Alden Richards sa Unang Balita na sobra itong proud sa final output na maihahandog nila sa mga moviegoers. Sabi ng Sparkle leading man, “Proud kaming tatlo sa nagawa and sana kung ano 'yung effect ngayon sa mga taong nanonood, ganun din sa makakanood pa.”

Mapapanood ang Five Breakups and a Romance sa mahigit 230 cinemas simula ngayong Miyerkules, October 18.