Around GMA

Article Inside Page

Muling nakatanggap ng parangal ang Kapuso actor at athlete na si John Vic De Guzman.

Kamakailan lang, natanggap ni John Vic ang Youth Advocate Award in Sports mula sa World Summit Excellence Awards.

Sa isa sa kanyang posts sa Instagram, ilang larawan ang ibinahagi niya na kuha nang dumalo siya sa naturang awarding event.

Kakabit ng mga larawan ay ang kanyang caption, kung saan ipinagpasalamat niya ang parangal na kanyang natanggap.

Ayon sa caption ng Abot-Kamay Na Pangarap actor, “Thank you, World Summit Excellence Awards, for this incredible honor. This Youth Advocate Award in Sports is not just mine; it belongs to every individual who has been a part of my athlete journey.”

Kasunod nito, sinabi niyang ipagpapatuloy niya ang pagiging committed sa pagsuporta at pagpo-promote ng napili niyang sport.

Sulat niya, “Despite my current recovery from injury, I'm committed to supporting and promoting the sport I love. This award fuels my passion to inspire younger generations to contribute to the growth of men's volleyball.”

“Together, let's continue making strides for the future of our beloved sport. Thank you! #YouthAdvocate #MensVolleyball #Gratitude,” dagdag pa niya.

Tingnan ang post na ito sa Instagram

Isang post na ibinahagi ni John Vic Ortiz De Guzman (@johnvicdeguzman)

Matatandaang noong 2021, inuwi ni John Vic ang Outstanding Sportsman of the Year award mula sa Diamond Excellence Awards.

Si John Vic ay kabilang sa Philippine men's national volleyball team.

Bukod dito, napapanood din siya bilang si Doc Ken Prado sa GMA's top-rating series na Abot-Kamay Na Pangarap.