Around GMA

Article Inside Page

Nakilala ang Asia's Romantic Balladeer na si Christian Bautista nang maging finalist siya sa isang singing contest noon. Pero ang hindi alam ng marami ay iyon ang una at huli niyang sinalihan na singing competition dahil hindi naman talaga siya sumasali sa mga ito.

Sa interview niya sa Surprise Guest with Pia Arcangel podcast, ibinahagi ni Christian na dati pa man ay parte na siya ng church choir kasama ang kaniyang pamilya, pero hindi siya sumali sa kahit anong singing contest.

“I know na 'yung boses ko, hindi talaga pambirit, 'yung panglaban,” paliwanag niya.

“'Star in a Million' was my very first singing contest. Honestly, I was just there, having fun, living the moment,” dagdag niya.

Ayon kay Christian ay nagbago lang ang pananaw niya sa kaniyang singing career nang mapanood siya sa TV ng kaniyang mga kamag-anak dito sa Pilipinas at sa abroad.

“They like what I'm doing so parang that changed my focus kasi sa UP, Landscape Architecture [ang kinukuha ko] biglang ok, ito na yata 'yung gusto kong gawin,” sabi niya.

BALIKAN ANG REBELASYON NI CHRISTIAN TUNGKOL SA BALAK NIYANG PAG-ALIS SA SHOWBIZ NOON:

Kuwento ni Christian, hindi niya tinuloy ang pag-take ng board exam bilang isang Landscape Architect at sa halip, sumali agad sa theater pagka-graduate niya ng college. Dagdag pa niya, ang talent manager at singer din na si Carlo Orosa ang nakadiskubre sa kaniya sa teatro at inudyukan sumali ng singing contests.

“Before, Carlo Orosa said 'I think this might be a good idea.' Kasi nag-theater ako after college and they discovered me sa theater, sa Trumpets, and they said 'Why don't you try joining sa singing contest?'” pagbabahagi niya.

Aminado ang The Clash mentor na bilang isang theater actor ay kailangan kumuha ng side gigs “just to pay the bills” kaya nang pumunta siya sa inaakalang VTR audition lang, hindi niya inasahan na hihilahin siya nito sa ibang direksyon.

“Parang I was meeting bosses and big stars na parang 'Ooh, I've never been in this world before. It's nice.' Parang relaxed na chill lang,” sabi niya.

Ibinahagi din ni Christian na ang buong pamilya niya ay singers din. Ang kaniyang mga magulang ay parehong parte pa rin ng kanilang church choir, habang ang mga kapatid niyang sina Jordan at Joshua ay kumakanta rin.

Bukod sa pagkanta sa mga clubs at bars, meron na ring mina-manage na sariling mga talents si Jordan. Samantalang si Joshua, kahit na kumakanta rin, ay mas piniling maging social media strategist.

Pakinggan ang buong interview ni Christian dito: