Around GMA

Article Inside Page

Reunited ang sikat na trio noong '80s at '90s na sina Manilyn Reynes, Tina Paner, at Sheryl Cruz nang bumisita sila sa Fast Talk with Boy Abunda noong Lunes, January 29.

Sa kanilang maikling reunion, hindi napigilang mapag-usapan ang kanilang naging buhay pag-ibig noon.

“Na-in love o nagka-crush ba kayo sa isang boy when you were young?” tanong ng batikang TV host na si Boy Abunda sa tatlong actress-singer.

“Parang hindi naman…” sagot ng tatlo.

“Magsabi kayo ng totoo,” biro ni Boy.

Dito na tila may naalala si Tina. “Meron tayong crush…si Gabby,” sabi ni Tina kay Manilyn.

“A, Gabby Concepcion nung mga bata pa tayo,” ani Manilyn.

“Bata pa kami no'n. Crush crush lang pero 'yung magkagusto sa isa wala,” paglilinaw ni Tina.

Dagdag pa ni Manilyn, “Wala kaming ganun talaga na in love kami sa same person.”

Matapos ito, muling nagtanong si Boy sa tatlo. Aniya, “Pero sino ang pinakabaliw pagdating sa pag-ibig?”

“Ito ba?” sabi naman ni Sheryl habang nakaturo kay Manilyn.

“Makaturo 'a? 'Ito ba??'” natatawang sinabi ni Manilyn.

“Akala ko nga nung tumingin siya sa akin, inisip ko, 'Ako ba?'” natatawa namang sinabi ni Tina.

“Tahimik kasi kami pagdating sa love life namin before,” paliwanag naman ni Sheryl.

Samantala, aminado naman ang tatlong batikang actress-singer na nagkaroon sila ng maliliit na tampuhan noon pero hindi sila umano nagkaroon ng matitinding away.

Kasalukuyang napapanood si Manilyn sa Kapuso romantic comedy series na Pepito Manaloto habang mapapanood naman si Sheryl sa upcoming GMA Afternoon Prime series na Atty. Lilet Matias.