Rhian Ramos, nag-training para sa fight scenes sa 'Encantadia Chronicles: Sang'gre'
Around GMA
Around GMA
OFW recalls experience saving child and old woman from HK residential fire Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Sumasabak na sa training si Rhian Ramos bilang paghahanda sa fight scenes sa 'Encantadia Chronicles: Sang'gre,' kung saan gaganap siyang Mitena.
Puspusan na ang paghahanda ni Rhian Ramos sa bagong challenging na role na gagampanan niya sa continuation ng iconic telefantasya ng GMA na Encantadia Chronicles: Sang'gre.
Sumasabak na si Rhian sa training bilang preparasyon sa mga magaganap na fight scenes niya sa serye.
Sa kanyang Instagram story, ipinakita ni Rhian ang training kasama ang Sang'gre co-stars na sina Bianca Umali, Kelvin Miranda, at Faith Da Silva.
Sa Sang'gre, makikilala si Rhian bilang Mitena, ang isinumpang kakambal ni Cassiopea na lulusob at gugulo sa mundo ng Encantadia.
Bibida naman sina Bianca, Kelvin, Faith, Angel Guardian bilang bagong henerasyon ng mga Sang'gre.
Makakasama rin sa Sang'gre sina Glaiza De Castro na magbabalik bilang Pirena, Sanya Lopez bilang Danaya, Kylie Padilla bilang Amihan, Gabbi Garcia bilang Alena, Rocco Nacino bilang Aquil, Ricky Davao, Sherilyn Reyes, Jamie Wilson, Luis Hontiveros, Vince Maristela, Shuvee Etrata, Pamela Prinster, ang Gueco twins na sina Vito at Kiel.
Abangan ang Encantadia Chronicles: Sang'gre sa GMA Prime soon.
Panoorin ang teaser video ng Encantadia Chronicles: Sanggre sa video na ito:
TINGNAN ANG ILANG BEHIND-THE-SCENES PHOTOS MULA SA STORY CONFERENCE NG ENCANTADIA CHRONICLES: SANGGRE SA GALLERY NA ITO:
