Around GMA

Article Inside Page

Aminado si Coleen Garcia na nagdalawang-isip siya na tanggapin ang pelikulang Isang Gabi, na pinagbibidahan nila ni Diego Loyzaga.

“Orignally kasi, yung script nito was sexier. It was for Vivamax,” panimulang paliwanag ni Coleen sa ginanap na press conference ng pelikula kamakailan.

Patuloy niya, “Siyempre, marami silang binago and heavy drama kasi yung pelikula. Ako, nagdalawang-isip ako sa sarili ko kung kaya ko ba o mabibigyan ko ba ng justice.”

Bukod sa tema at istorya, naging dahilan din daw ng pag-aalinlangan niya ang co-actor niyang si Diego, na itinuturing niyang malapit na kaibigan.

“Para kaming magkapatid, para ko siyang little brother,” nakangising pahayag ng aktres.

“Kaya parang, 'Kaya ko bang gawin ito?' It was a big factor. Pero nagawa naman namin nang maayos. Natuloy naman namin. Even if at the start mayroon kaming apprehensions nang konti, we decided na ituloy na namin. Happy naman kami.”

Dugtong naman ni Diego, “Kaming dalawa rin, we decided to… Aside from the Adarna Gang, na minimal lang ang scenes namin together, sabi ko, 'If we're gonna have a movie together, we're sure na this is the kind of movie that we want to have.' Since it was originally intended for Vivamax, when I look at Coleen, I see kuys, si Billy [Crawford, Coleen's husband]. They've been my friends for the longest time in showbiz, so may konting awkwardness talaga.”

Bagamat nagawa na raw ni Coleen ang magpaseksi sa kanyang mga nakaraang proyekto, bagong experience daw para sa kanya ang Isang Gabi.

Paliwanag niya, “Na-try ko na rin mag-love scene before and everything. I don't know, but for some reason, the experience this time around felt a bit different. Parang the vibe in the love scenes that I shot before, it was a lot more youthful.

“Ngayon kasi, there's a certain level of maturity kasi sa mga eksenang ito. Tama naman si Direk [Mac Alejandre] na hindi siya dapat tawaging erotic kasi kapag pinanood mo, hindi naman talaga siya erotic. The presence of the love scene was really needed for the movie kasi sobrang passionate siya.

“Doon ko naranasan yung difference sa mga scene sa movie na ito at saka sa mga love scene na nagawa ko in the past. Parang may lalim siya ngayon.

“So, kahit hindi ko first time gumawa ng ganitong klaseng eksena, nasabi ko kay Direk na it's my first time feeling it in this way and yung effect niya rin ay ibang-iba. Yeah, a love scene is a love scene, pero kapag dinisect mo kasi, pagdating niya sa mga manonood, iba talaga.”

Ang Isang Gabi ay idinerehe ni Mac Alejandre at isinulat ng national artist na si Ricky Lee. Ito ay mapanonood sa mga sinehan simula May 15.

Agad namang nilinaw ni Coleen na alam ng asawa niyang si Billy ang mga eksenang ginawa nila ni Diego sa Isang Gabi.

Paglalahad niya, “Actually, ito yung first script in a long time na hindi niya nabasa. So, hindi niya alam kung ano ang magiging story nitong pelikula.

"But I do tell him all the scenes that I am shooting kasi ayaw ko naman nang gulatan. Parang hindi naman tama yun na magugulat na lang siya na may mga ganung eksena ako.

"So, without giving away the story--kasi gusto ko rin makuha yung organic reaction niya sa buong kuwento--sinabi ko sa kanya kung anong klaseng scenes ang shino-shoot ko, how far I went, and everything. So, alam naman niya.

"I would say na mas uncomfortable ako kaysa sa kanya. Sinasabi pa nga niya, 'Ano ba, love, okay lang 'yan. Kailangan 'yan sa movie.'"

Samantala tingnan ang family pictures nina Coleen at Billy, kasama ang anak nilang si Amari, rito: