Around GMA

Signal No. 1 hoisted in 21 areas as Wilma nears Eastern Visayas
#WilmaPH maintains strength, moves slowly toward E. Visayas
'A Christmas Carol' brings the holiday spirit to the Philippine stage

Article Inside Page

Showbiz News

Sa kabila ng paghingi ng tawad ni Ramon Bautista dahil sa kanyang kontrobersyal na biro sa Kadayawan Festival noong nakaraang linggo, tuluyan pa rin siyang idineklarang persona non grata ng Davao City Council.
By CHERRY SUN




Sa kabila ng paghingi ng tawad ni Ramon Bautista dahil sa kanyang kontrobersyal na biro sa Kadayawan Festival noong nakaraang linggo, tuluyan pa rin siyang idineklarang persona non grata ng Davao City Council.

Maraming hindi natuwa nang tawagin ni Ramon na “hipon” ang mga kababaihan ng Davao. Kaya naman bago magtapos ang event sa naturang festival, nagpaumanhin na ang komedyante.

Aniya, “From the bottom of my heart, sobrang nahihiya po ako sa inyong lahat. Sana mapatawad niyo po ako.”

Gayunpaman, ipinasa pa rin ang resolution upang ideklarang persona non grata si Ramon.

Inihayag sa resolusyon, “A corrupt influence to the youth and his abusive behaviour should not be tolerated. Be it resolved and hereby resolved to declare Mr. Ramon Bautista as persona non grata in Davao City.”

Mababasa rin na “Mr. Bautista wilfully and arrogantly intended to propagate a culture of sexism and male chauvinism that promotes rude and disrespectful behaviour against women.”

Dahil dito ay hindi na raw welcome si Ramon sa lungsod, at ito naman ay maluwag niyang tinaggap.

Sa kanyang twitter, sinabi niyang “I respect the decision of the Davao officials, and I will abide by it.”

(Insert attached screen grab)

Lininaw naman ni Vice Mayor Paolo Duterte na hindi huhulihin si Ramon kung sakaling bumalik siya sa Davao.

Para naman kay Mayor Rodrigo Duterte, sapat na raw na nag-sorry na si Ramon.

Sabi niya sa panayam ng Unang Hirit, “Para sa akin tapos na ‘yun. Ang taong nanghingi ng patawad has humbled himself to admit that he was wrong.”

“He’s always welcome here,” dagdag pa niya.