Around GMA

Article Inside Page

Hindi napigilang maging emosyonal ng batikang aktor na si Niño Muhlach sa Senate hearing kaugnay ng insidenteng kinasasangkutan ng kaniyang anak na si Sandro Muhlach at dalawang independent contractors ng GMA Network na sina Jojo Nones at Richard Cruz.

Matatandaan na naghain ng kasong sexual harrassment sa NBI at formal complaint sa GMA Network si Sandro laban kina Jojo at Richard.

Sa Fast Talk with Boy Abunda nitong Miyerkules, August 7, ipinalabas ang isang bahagi ng video sa Senate hearing kung saan umiiyak na nagkukuwento si Niño tungkol sa 'di umano'y sinapit ng kaniyang anak.

Ayon kay Niño, sa bunso niyang anak na si Alonzo Muhlach na dati ring child star unang ikinuwento ni Sandro ang 'di umano'y pangaabuso na ginawa sa kaniya.

“Sabi sa akin ni Alonzo, sinabihan daw siya ng kuya niya na, 'Bro, sana huwag mangyari sa iyo 'yung nangyari sa akin.'”

Paglalahad pa ni Niño, masama ang kaniyang loob dahil nakatrabaho niya pa si Jojo sa katatapos lang na action-comedy drama series na Walang Matigas Na Pulis Sa Matinik Na Misis.

Dumalo rin sa Senate hearing si GMA Network Senior Vice President for Programming, Talent Management, Worldwide, and Support Group, Atty. Annette Gozon-Valdes.

Paglilinaw ni Atty. Annette, pinatawan na ng preventive suspension sina Jojo at Richard matapos maghain ng reklamo ni Sandro at habang gumugulong ang imbestigasyon at pagdinig sa senado.

“We immediately issued a preventive suspension order to the two being accused of Mr. Sandro Muhlach. Now we are waiting for their reply because, of course, we follow the procedures of due process,” ani Atty. Annette.

Dagdag pa niya, “Despite the fact that they are independent contractors, we can still take jurisdiction over the HR complaint filed by Mr. Sandro Muhlach and we can still apply our Code of Conduct to this case.”

RELATED GALLERY: Meet Sandro Muhlach, Nino Muhlach's eldest son