Around GMA

Article Inside Page

Hindi pa man umaabot sa "ber" months, nag-perform na tinaguriang King of Philippine Christmas Carols na si Jose Mari Chan sa isang event.

Kinanta niya rito ang kanyang hit Christmas single na "Christmas in Our Hearts." Sa isang video na nag-viral kamakailan sa social media, makikitang naging emosyonal ang singer habang inaawit ang kantang ito.

Dahil doon, maraming netizens ang nagtaka at nag-alala para sa singer. Marami ring nagtanong kung may pinagdadaanan ba ito sa kanyang personal na buhay o kaya naman ay may problema sa kalusugan.

Nilinaw naman ni Jose Mari Chan ang dahilan sa pagiging emosyonal niya sa event na ito.

"They were having their Christmas tree lighting in one of the malls so they invited me to sing there. I was singing my other songs, 'Can We Just Stop and Talk a While,' whatever refrain, and then people were asking me for 'Christmas in Our Hearts,'" kuwento niya sa isang interview.

"Sabi ko it's only July! Buti na lang I had my minus one and when I began to sing, the whole audience sang along. I was deeply touched and moved by the spontaneity of the people. Young and old alike, they were singing 'Christmas in Our Hearts' with me. It was a touching moment. Napa-teary eyed ako that afternoon," pagpapatuloy niya.

Maituturing nang isang icon si Jose Mari Chan at bagamat flattered daw siya sa mga moniker na ibinibigay sa kanya, hindi na raw ito kailangan.

"'Father of Christmas Carols,' 'King of Christmas Carols,' I don't like that. I'm just your regular Filipino singer-songwriter who happened to write a song--a Christmas song--that people, both young and old alike, loved the song. It's a blessing to me and I thank God for that gift," lahad niya.

SAMANTALA, SILIPIN ANG MGA PATOK NA MEMES TUNGKOL KAY JOSE MARI CHAN DITO:

Panoorin din ang buong interview ni Nelson Canlas kay Jose Mari Chan para sa 24 Oras sa video sa ibaba.