'Everything About My Wife' ipapalabas din sa Hong Kong, Macau, at UAE
Around GMA
Around GMA
Amihan, shear line, easterlies to bring cloudy skies, rains on Monday Farm to Table: (December 28, 2025) LIVE Miss Grand International All Stars announces reschedulingArticle Inside Page
Showbiz News
May international premiere ang 2025 rom-com film nina Jennylyn Mercado at Dennis Trillo na 'Everything About My Wife' sa Hong Kong, Macau, at UAE ngayong Mayo.
Ipapalabas din ang 2025 romantic comedy film nina Jennylyn Mercado at Dennis Trillo na Everything About My Wife sa ibang bansa sa Asya, tatlong buwan matapos ang local theatrical release ng pelikula.
May international premiere ang Everything About My Wife sa Hong Kong at Macau sa May 18.
Ipapalabas din ito sa ilang sinehan sa UAE simula May 23.
Grateful naman ang Kapuso Drama King na si Dennis dahil mas maraming makakapanood ng kanilang pelikula ng kanyang asawang si Jen.
Aniya sa panayam ni Lhar Santiago sa 24 Oras, "Syempre po masaya kasi makaka-reach ng bagong audience yung aming pelikula, yung ginawa namin. Natutuwa kami na mas maraming makakapanood kahit sa ibang bansa kaya excited ako na mapanood nila."
Bukod kina Jennylyn at Dennis, bida rin sa Everything About My Wife si Sam Milby.
Ang Everything About My Wife ay collaboration ng CreaZion Studios at GMA Pictures, kasama ang Glimmer Studio. Mula ito sa direksyon ni Real Florido at sa panulat ni Rona Co.
Samantala, magtatambal muli sina Jennylyn at Dennis sa telebisyon via GMA Prime series na Sanggang Dikit FR na mapapanood na sa Hunyo.
Related gallery: Meet the cast of 'Everything About My Wife'
